Nalaman na siya ang napili sa proyekto nang manalong best actress sa Japan.
Heaven Peralejo, ikinuwento kung paano ipinaalam sa kanya ni Boss Vic del Rosario na siya ang bida sa I Love You Since 1892. Co-stars ni Heaven sa Wattpad series ng Viva One sina Joseph Marco (left) at Jerome Ponce (right).Â
PHOTO/S: Jojo Gabinete
Sina Heaven Peralejo, Joseph Marco, at Jerome Ponce ang mga bida sa I Love You Since 1892, ang Wattpad novel na isinulat ni Mia Alfonso at isa nang ganap na serye na mapapanood sa Viva One.
Ipinakilala sina Heaven, Joseph, at Jerome sa isang grand cast reveal media conference na naganap ngayong Huwebes, Hulyo 24, 2025 sa Viva Café, Cubao, Quezon City.
Si McArthur Alejandre ang direktor ng I Love You Since 1892, na may 132 million reads sa Wattpad.
Ayon kay Alejandre: “Nabaliw ako, di ba? Who has a 132 million reads? Until I got to read the novel. All 1,700 pages of it.
“Binasa ko at na-realize ko kung bakit ganoon karami ang nagbasa, dahil ito ay kuwento ng mithiin ng lahat ng nilalang.
“Kung papaano sila nagnanais o nagnanasa na mahalin, at kung papaano nila gustong magmahal, anumang panahon, anumang edad, anumang karanasan.
“Ang nobela ni Bb. Mia ay hindi lamang tungkol sa pag-ibig, tungkol ito sa pagiging babae, pagiging lalake, pagiging nanay, sa pagiging miyembro ng pamilya, sa pakikipaglaban sa katotohanan, sa pakikipaglaban sa kalayaan, lalo na nung panahon ng 1892.”
Director McArthur AlejandreÂ
Photo/s: Jojo Gabinete
HEAVEN PERALEJO DUAL CHARACTER
Isang period series ang I Love You Since 1892, at dalawang katauhan ang karakter na ginagampanan ni Heaven—noong 1892 at sa kasalukuyang panahon.
Nalaman ni Heaven na ito ang napiling magbida sa I Love You Since 1892 nang manalo siya bilang pinakamahusay na aktres para sa kanyang pagganap sa horror movie na Lilim, sa Jinseo Arigato International Film Festival noong Mayo 2025.
“Sobrang na-excite po ako kasi when I won the best actress award in Japan, I called Boss Vic,” tukoy ni Heaven kay Vic del Rosario, Viva Entertainment CEO.
Pagpapatuloy ng dalaga, “Sabi ko, ‘Boss, my god, nanalo ako!’ Sabi niya, ‘Bongga yan anak. Masaya ako para sa yo, at dahil diyan may project ako para sa yo. Magandang proyekto ito, galingan mo.’”
DOING HER ASSIGNMENT
Bakas ang saya ni Heaven na ipinagkatiwala ng home studio niya ang pangunahin na karakter sa I Love You Since 1892.
“I did my research. I read the book. Kahit nasa Japan ako, kahit nasa ibang bansa ako nung time na yon, talagang nag-aaral ako.
“Binabasa ko, kinikilig ako, umiiyak ako, and everything else. And then, lagi ko silang kinukulit for the script agad.
“Every day, I make sure hindi ako nawawala sa istorya or sa book,” pagtatapos ni Heaven.