JC also waits for chance to meet idol John Lloyd Cruz

JC Santos makes sure wife Shyleena Herrera knows about his intimate scenes: “Every time na may pelikula ako, kinukuwento ko sa kanya.”
PHOTO/S: @j.c.santos on Instagram

Halos 17 years nang nasa showbiz si JC Santos, pero hindi pa raw sila nagtatagpo ng kanyang idolo.

Sabi ng 36-year-old actor: “As a person, marami kaming close friends, pero di ko pa nami-meet si John Lloyd Cruz.

“Di ko pa siya nakikita as a person sa buong buhay ko.

“I super respect his work, sana yung pagkikita namin, trabaho na.

“May developing movie na, right now, we want to pitch it just to work with him.

“May concept na, sinusulat pa lang. Sana.”

 

John Lloyd Cruz 
Photo/s: @johnlloydcruz83 Instagram

Ikinukunsiderang underrated actor si JC, na nagsimula sa theater noong siya ay nasa kolehiyo.

Hindi naman daw accolades ang hangad niya para sa showbiz career.

Aniya: “I can say this for myself. Minsan kasi, iba ang target ko sa career path ko, e.

“Nakikita ko rin sa sarili ko: I’m too mainstream for indie, and I’m too indie for mainstream.

“Tinatanggap ko pa rin kasi basta gusto ko ang material or mapili siguro ako sa project.”

JC SANTOS ON INTIMATE SCENES

Kahit kailan ba ay hindi siya nadala o nadarang sa kissing or love scene?

Para sa Kapamilya star, trabaho lang ang lahat at kontrolado niya ang sarili para di matangay sa eksena.

Na-interview ng PEP.ph (Philippine Entertainment Portal) si JC sa nakaraang presscon ng Meg And Ryan, na ginanap sa Plaza Ibarra sa Timog, Quezon City, nung nakaraang July 9, 2025.

JC Santos and Rhian Ramos, his co-star in the upcoming film Meg and Ryan 
Photo/s: @j.c.santos on Instagram

Sagot niya: “Siguro ako lang, ayokong mawawala ka na lang sa eksena.

“Ako naman, walang acting yun pag nadala ka na. Di na yun work. It should be choreographed para magmukhang totoo.

“Yun ang challenge dun kasi we want to sell it to the audience na mukha siyang totoo.”

Meron naman daw rehearsal, at bago mangyari yun ay may consent ang kaeksena niya.

“Of course, pero, siyempre, isa lang actually yung rehearsal, di pa naman yun yung actual.

“Maybe even yung mga na-i-in love sa mga co-actors, it’s not my process kasi wala yung acting dun.

“Kasi nandun ako sa acting, ayoko nang nadadala.”

Ano ang preparations niya?

Pagdedetalye ni JC: “Aside from hygiene, gusto ko sana maging presentable man lang ako sa co-actor ko.

“Mas technical ako, I need to know kung paano ko hahawakan or kung paano magiging comfortable sa akin yung co-actor ko. Is it okay if I have to kiss her here, okay lang ba?

“May consent muna, pinag-uusapan.

“Kasi gusto ko hanggang dun lang yung parameters din kung saan kumportable siya at may consent din. Ayoko nang mabibigla din siya.”

Aling kissing scene ang pinaka-memorable sa kanya?

“Nung 2014 sa Esprit de Corps ng Cinema One Originals, lalake ang ka-kissing scene ko, sila Lharby Policarpio and Sandino Martin.

“Torrid yun. If there’s anything na pinakamalala kong kissing scene, that would be it.

“Kung willing akong ulitin? I’m not sure pero kung magaling ang co-actor ko, depende.”

JC SANTOS TELLS WIFE ABOUT INTIMATE SCENES

Anim na taon na siyang kasal kay Shyleena Herrera at biniyayaan sila ng isang anak, si River Aletheia, na limang taon na nung Marso.

JC Santos with wife Shyleena Herrera and their daughter River 
Photo/s: @j.c.santos on Instagram

Pinapaalam pala ng aktor sa asawa sa tuwing may kissing o love scene siyang gagawin sa isang proyekto.

“Every time na may pelikula ako, kinukuwento ko sa kanya. Even after the shoot, kinukuwento ko sa kanya kung ano ang mga nangyari para di siya nabibigla.

“Minsan kasi, dun nagmumula yung away, e. Nabibigla na lang yung partner mo, ‘Ano ba naman yun, di ipapaalam?’”

Kung kinakailangan, he takes extra steps para hindi magselos ang asawa.

Sa pagpapatuloy niya, “As much as possible, pinapakilala ko sa kanya yung leading lady para maging secured.”

Dahil hindi naman artista si Shyleena, di raw kaya ito nakakaramdam ng selos pag may mga maiinit siyang eksena sa mga kapareha niya?

“Naalala ko, nakilala ko siya nung panahon ng Open namin nila Arci Muñoz, Ina Raymundo, medyo malala ang mga love scenes so medyo na-warm up siya dun.”

Taong 2019 ipinalabas yun.

Imbes na ma-restrict, mas motivated daw si JC dahil sa kanyang mag-ina.

“Yes, I can say, I think yun din ang nakatulong na may anak at asawa ako ngayon.

“Mas lumalim yung idea ko ngayon na nasa romance ako ngayon, mas vulnerable ako ngayon, mas confident, mas relaxed, mas patient.

“I think that brings roles, e, kasi nandun lang talaga ako sa acting side of it na gusto kong magkaroon ng meaty characters yung bawat directors ko.”

Tinanong si JC kung ano ang reaksiyon ng asawa sa mga eksena nila ng kaparehang si Rhian Ramos sa pelikulang Meg and Ryan?

“Kay Rhian nung time na yun, alam niya na maganda yung kuwento, nagustuhan niya. Kinakaibigan? Hindi naman, she just wants to be comfortable.”

Sa mga manonood ng pelikula sa darating na August 6, mapapansin ang chemistry ng dalawa.

Ang Meg and Ryan ay idinirek ni Direk Catherine Camarillo sa ilalim ng Pocket Media Productions.