Anak ni ex-President Rodrigo Duterte at apo ni Chavit Singson, nagkakamabutihan

Kitty Duterte, the youngest daughter of former President Rodrigo Duterte, is confirmed to be in a relationship with Vic Singson, grandson of businessman and former Ilocos Sur Governor Chavit Singson.
PHOTO/S: Instagram

Kinumpirma sa Cabinet Files ng isang nakakaalam sa tunay na kuwento na karelasyon na ni Kitty Duterte si Vic Singson, ang apo ng negosyante at dating Ilocos Sur governor na si Luis “Chavit” Singson.

Si Kitty ang 21-year-old daughter ni dating Pangulong Rodrigo Duterte sa common-law wife nitong si Honeylet Avanceña.

Kahit hindi showbiz personality si Kitty, marami ang sumusubaybay sa mga nangyayari sa kanyang love life at personal na buhay.

Gaya naman ng kanyang lolo at mga kamag-anak, aktibo rin sa public service sa Ilocos Sur ang 20-year-old at six-footer na si Vic, na estudyante sa isang prestihiyosong unibersidad.

Vic Singson is the grandson of businessman and former Ilocos Sur Governor Chavit Singson. 
Photo/s: Facebook

VIC SINGSON VISITS KITTY DUTERTE IN DAVAO

Ayon sa impormasyong nakalap ng Cabinet Files, dinadalaw raw ni Vic si Kitty sa Davao.

Sa recent U.S. trip ni Vic kasama ang kanyang lolo para sa laban ni Manny Pacquiao at ng Mexican-American boxer na si Mario Barrios, si Kitty umano ang madalas niyang kausap sa pamamagitan ng video calls.

Nakumpirmang totoo at hindi basta haka-haka ang napapabalitang relasyon nina Kitty at Vic dahil sa pahayag ni Pacquiao na nakunan ng video.

Mapapanood sa video na kuha sa Amerika ang pagdating ni Pacquiao at ang pagbati nito kay Chavit.

Maririnig din ang tanong ni Pacquiao na “Ang girlfriend nito si Kitty?” matapos siyang batiiin ni Vic ng “Tito, kamusta?”

Sa isang panayam naman kay Chavit, sinabi nitong pinayuhan niya si Vic na mahalin at huwag lokohin si Kitty.

Bago pa man ang kumpirmasyong may relasyon sila, nauna nang lumabas sa social media ang mga larawang magkasama sina Kitty at Vic noong Abril 2025, kaya mabilis kumalat ang balita tungkol sa kanilang namumuong pagmamahalan.