Kris Aquino gains 30 lbs while recuperating at a private resort.

Kris Aquino: “Eighty-two (82 lbs) was my lowest. Today, I am 112.”
PHOTO/S: Courtesy: @dindo.m.balares on Instagram

Malaki na ang naging improvement ng kalusugan ni Kris Aquino, pagkumpirma ng malapit niyang kaibigan at dating entertainment editor na si Dindo Balares.

Katunayan, makikita sa mga bagong larawan ni Kris na nakangiti ito at malaki na ang idinagdag ng kanyang timbang.

Sa Instagram noong Martes, July 15, 2025, ibinahagi ni Dindo ang mga bagong kaganapan sa buhay ni Kris habang naggagamot mula sa kanyang auto-immune diseases.

Kinumpirma rin ni Dindo na totoo ang larawan ni Kris na lumabas sa social media.

Kris Aquino’s latest picture shows her smiling and gaining weight. 
Photo/s: Courtesy: @dindo.m.balares on Instagram

Lahad niya: “Marami ng nagpapadala ng private messages at nagtatanong kung Photoshopped lang ba ang pictures na ito ni Kris Aquino at kung totoong ito na ang appearance niya ngayon.

“Totoo at genuine po ito. Kuha ng kanyang kaibigan na si Ms. Jing three weeks ago habang nandodoon din ako sa private resort na kinaroroonan ni Kris.”

Nagpasalamat naman si Dindo sa lahat ng nagdasal para sa kaibigang si Kris dahil nakatulong daw ito nang malaki upang bumuti ang kalagayan ni Kris.

Aniya: “When we pray, miracles happen— proof si Krisy. Love nourishes and heals. Malayung-malayo pa, pero unti-unti nang nakakabawi ang kanyang katawan at timbang.

“Hirap na hirap, nakita ko mismo, at narinig na mahinang sinasabing, ‘I really hate being dependent’ dahil kailangan siyang alalayan kung gustong bumangon o dapat kargahin papunta sa comfort room, pero tinitiis niya.

“Maraming beses na siyang bumagsak sa sahig at sa loob ng banyo, dahil inaakala niyang kayang-kaya na, pero hindi pa pala.”

 

KRIS AQUINO now weighs 112 lbs from 82 lbs

Ayon kay Dindo, hindi kaagad-agad nakamit ang tuluyang paggaling ni Kris, pero tama raw ang naging desisyon nitong lumayo muna sa siyudad.

Sa isang private resort na kasi ngayon nanunuluyan si Kris.

Pagpapatuloy ni Dindo: “Mabagal man ang mga resulta, tama ang desisyon niyang umiwas muna sa big city at manirahan sa tabing-dagat para lumanghap ng sariwang hangin.

“Una naming napansin sa pamamakbak ng kanyang balat. ‘May regeneration of skin, Krisy,’ sabi ko sa kanya. ‘Ibig sabihin, may regeneration of cells din maging sa loob ng katawan mo.’”

Nadagdagan na rin ang timbang ni Kris. Mula 82 lbs., ngayon ay tumaas na ito sa 112 lbs.

Dagdag pa sa post: “Last January, ang pinakamababa niyang timbang. ‘Eighty-two (82 lbs) was my lowest,’ kuwento ni Kris habang magka-chat kami kahapon.

“‘Today I am 112. But kuya Dindo my arms and legs below my knees are still skinny-the weight is in my thighs. My arms are also still thin.

“‘The other night before Bimb arrived, hindi kinaya ni nurse Elle, bumigay my knees-I said- it’s okay just don’t let me land on my knees.

“So, I fell slowly on my behind because she was still holding my back.’

“‘No gana to eat today,’ sabi pa niya. Galing sa pinakamababang 82 Ibs, 112 lbs na siya sa kasalukuyan.”

Kung susumahin, 30 lbs ang nadagdag sa timbang ni Kris.

Pinabulaanan naman ni Dindo ang ilang posts tungkol sa balitang cancer-free na si Kris dahil hindi naman daw ito nagkasakit ng ganito mula pa noon.

Auto-immune diseases lamang daw ang nilalabanan ng TV host-actress.

Photo/s: Courtesy: @dindo.m.balares on Instagram