Si Maritess ang nag-iisang anak ni Gloria, at si Chris naman ay kanyang apo.

Sumakabilang buhay ang Queen of Philippine Cinema na si Gloria, sa edad na 91, noong Sabado, January 25, 2025.

Sa ikalawang araw ng burol ni Gloria sa Hall A ng Arlington Memorial Chapel, sa Araneta Avenue, Quezon City, noong Lunes, January 26, nakausap ng ilang entertainment press sina Maritess at Chris.

Dito ay tinanong sila tungkol sa mga huling sandali ni Gloria, at kung may huling habilin ba itong nabanggit sa kanila.

Ayon kay Maritess, tila normal na araw lang sa kanila noong araw na pumanaw si Gloria.

→ Swipe to see more articles

Related Posts

OMG! BB Gandanghari NA-LEAK ang CLIP na malapit na PAGKAKA-KILALA kay Mariel Padilla

OMG! Boy Abunda INIYAKSI NA ang hindi pangkaraniwang pag-uugali ni Jak Roberto matapos ang paghihiwalay nila ni Barbie Forteza…

Robi Domingo PINABULAAAN ang balita na nagpapigil kay Kathryn Bernardo at Donny Pangilinan: “Bakit ganun? Ano ba’ng nangyari?

MATAPOS ang mga isyu kaugnay kay Jolo, NATAPOS ni Lani Mercado ng maayos at MAGALANG ang hidwaan nila ni Cristy Fermin

KABUUAN NG PAG-AKYUSI kay Julia Barretto na ginamit ang kapangyarihan para sakupin ang turismo sa Camiguin

Ervic Vijandre INAAKUSAHAN ng kanyang kapatid na si Erwin bilang isang masamang tao at sinungaling: ‘Patakaran ng pambubugbog sa mga kapamilya hanggang magka pasa sa mukha.’

Pagbabalik-tanaw niya: “Every day kasi nag-uusap naman kami ni Mama, so walang habilin na ganon.

“Through the years, she tells me everything — how to be a right person… every day siya nagbibilin ng lahat.

“So, wala yung mga bilin na ‘magmahalan kayo,’ ganyan, walang ganon.”

Maritess AND CHRIS RECALL last conversationS WITH GLORIA

Biglaan para sa mag-inang Maritess at Chris ang pagkawala ni Gloria.

Sa mahabang panahon, kasa-kasama raw nila sa bahay ang batikang aktres kaya ngayon ay naninibago silang hindi na nila ito makikita.

Ani Chris: “Naalala ko po, one of the last conversations me and lola had, she said, ‘Chris, matanda na ako, wala na akong mabibigay sa iyo, nabigay ko na sa yo lahat.’

“And then I was telling her, ‘Lola, ang dami mo na nabigay sa amin, it’s okay, you already gave us so much. Thank you for everything.’

“Until the last moment, she was still trying to give pa rin. That’s the kind of person my lola is, e.

“She just gives everything from herself. You can see it naman po, that’s why everybody loves her.”

Bukod sa presensiya ng beteranang aktres, isa rin daw sa mami-miss ng mag-ina ang mga kuwelang hirit ni Gloria na nagbibigay liwanag at ngiti sa kanilang tahanan.

Naluluhang sabi ni Maritess: “Lahat [mami-miss ko] kasi Mama ko siya, e.

“Mama ko siya, we’re really close… I tell her everything and she tells me things na hindi maganda na dapat gawin.

“Although may sarili naman akong character, but hindi siya nagkukulang na magbigay ng advice.

“Most of all, I miss her jokes, lola’s joke.

“Having her in the house, kasi tatlo lang kami, e, so we have fun in the house, masaya kami.”

PROUD TO BE THE DAUGHTER AND GRANDSON OF GLORIA ROMERO

Proud at masaya raw si Chris na si Gloria ang kanyang naging lola.

Kay Gloria raw niya unang nakita ang mga katangian ng isang babae na gugustuhin ninuman.

Aniya: “Ang pinaka-admirable from my lola is the way she carries herself, work ethic.

“My lola is such a skilled actress po. Sinasabi po yon ng ibang tao about her.

“The things that people say about my lola is she’s a nice person. She’s always on time.

“She treats everybody the same, she gives really good advice, and she’s there for everybody.

“She knows her lines, she knows everybody’s lines. You better be ready if you’re working with Gloria Romero.”

Read: Anjo Yllana, inalala si Gloria Romero bilang “Inay Minerva”

Dagdag pa ni Chris: “She’s an amazing person talaga. I’m so proud of my lola, I’m so happy to be her apo.

“I hope everybody would experience a love that came from somebody like that.”

Katulad ni Chris, proud at punung-puno rin ng pasasalamat si Maritess na si Gloria ang kanyang naging ina.

Naluluha niyang pahayag, “I believe that God was the one who gave my mom to me, to take care of me.

“It was planned. It was our destiny and also for Chris. It’s all God’s plan.”

MARITESS THANKS all her mother’s supporters

Sa huli, pasasalamat ang nais ipahatid ni Maritess sa lahat ng nagmamahal sa kanyang ina.

Kabilang na rito ang mga programa at network na nagtiwala sa talento ni Gloria, mga kaibigan at katrabaho na kanyang nakasama.

Maging ang mga tagahanga na patuloy na nagmamahal at sumusuporta hanggang sa mga huling sandali ng kanyang ina.

Mensahe ni Maritess: “Thank you everybody for loving my mom.

“I mean, for 70 years she’s been in the industry.

“Nung araw, yung mga senior people. Ngayon, mga bata, because of GMA nabigyan siya ng [Daig Kayo ng Lola Ko].

“So, ang lawak ng age gap ng mga fans ni Mama — from matanda to children.

“I think my mom was able to deliver and give herself until up to her 70th year.

“Imagine, yung mga bata naabutan pa nila si Mama.”

Dagdag niya, “Thank you sa senior stars that are always there for my mom and even the young ones.

“I think everybody loves my mom. Hindi po ako nagyayabang pero mahal po siya ng lahat ng tao.

“Me and Chris, we thank you for that.”