– Sinagot ni Carlos Agassi ang tanong kung naiinggit daw ba siya sa mga kasabayan niya na matagumpay na ang showbiz career sa kasalukuyan

– Aniya, masaya siya para sa kanila at sadyang kanya-kanya lang talaga ng tinatahak sa buhay

– Nabanggit niya pa ang apektuhan daw siya sa bashing na tinaggap niya sa kanyang nilabas na music video na ‘Milk Tea’

-Aniya, isang taon siyang hindi makalakad at na-depress siya nang husto ngunit dahil hindi siya iniwanan at dinamayan siya ng kanyang partner ay nalagpasan niya ito

Hindi itinanggi ng aktor at rapper na si Carlos Agassi na dumaan siya sa matinding depresyon matapos makatanggap ng matinding pambabatikos, lalo na sa inilabas niyang music video na Milk Tea. Sa isang panayam, inamin niyang naapektuhan siya ng negatibong komento at dumaan sa mahirap na yugto ng kanyang buhay.

Ayon kay Agassi, umabot sa puntong isang taon siyang hindi makalakad matapos ang isang matinding injury, at kasabay nito ay ang matinding emotional struggles na kanyang pinagdaanan.

Sa kabila ng mga hamong ito, sinabi ni Agassi na hindi siya kailanman nakaramdam ng inggit sa kanyang mga kasabayan sa showbiz na ngayon ay matagumpay na sa kanilang career. “Masaya ako para sa kanila. Kanya-kanya lang naman tayo ng tinatahak sa buhay,” dagdag pa niya.

Sa kasalukuyan, mas positibo na ang pananaw ng aktor sa buhay. Marami rin ang nagpapahayag ng suporta sa kanya, lalo na sa mga fitness content na kanyang ibinabahagi online.

Sa pamamagitan ng kanyang TikTok account, ibinahagi ni Carlos Agassi ang kanyang saloobin sa pagkakabuwag ng kanyang dating grupo, ang “The Hunks.” Nang tanungin kung mayroon pa siyang komunikasyon sa kanyang mga dating kasamahan, nagbiro si Agassi ngunit tila may bahid ng hinanakit.

“Kaya nga nabuwag eh,” aniya nang sagutin ang tanong ng isang tagasubaybay.

Ayon kay Agassi, ang pagkawatak-watak ng grupo ay dahil sa kagustuhan ng ilan na magkaroon ng kanya-kanyang karera. “Kasi kung group, pantay-pantay kami sa lahat eh, sa exposure, sa TF (talent fee), sa career. So, para makaangat ‘yung iba, parang nabuwag. Ganon na nga ang nangyari, and then, wala na, wala na talaga,” pagbabahagi niya.

Si Carlos Agassi ay isang Filipino actor, rapper, TV host, at fitness enthusiast. Nakilala siya sa industriya ng showbiz noong late ’90s at early 2000s bilang isa sa mga matinee idols ng ABS-CBN.

Isa siya sa mga miyembro ng grupong “The Hunks” kasama sina Piolo Pascual, Jericho Rosales, Diether Ocampo, at Bernard Palanca.

Bukod sa pag-arte sa mga teleserye at pelikula, sumabak din siya sa musika at naglabas ng ilang rap songs. Isa rin siyang kilalang fitness advocate at madalas nagbabahagi ng workout tips sa social media.

Naging usap-usapan si Carlos Agassi matapos siyang humingi ng panalangin mula sa netizens dahil sa isang aksidenteng kanyang naranasan. 

Sa isa sa kanyang online post, ibinahagi ng dating aktor na matagumpay ang isinagawang operasyon sa kanya. Nagpasalamat din siya sa kanyang pamilya at mga kaibigan sa suporta na ibinigay nila sa kanya.

Mariing pinabulaanan ni Carlos Agassi ang akusasyong transphobic siya na ibinato sa kanya ng celebrity at content creator na si Mela Habijan. Si Mela ay isang part-time actress at kilala bilang ang kauna-unahang nagwagi sa international online beauty pageant na Miss Trans Global.