Isang makahulugang post ang in-upload ni Ericka Villongco sa Instagram Story na tinanggal din niya agad, kasama ang isang “sorry,” dahil sa isa raw itong “bad joke.”

Naniniwala naman ang netizens na ang post ng singer at social media influencer ay tungkol sa hiwalayang James Reid at Nadine Lustre.

Si Ericka ay kilalang dating girlfriend ni James.

Naglabas ng joint statement sina James at Nadine, sa Tonight With Boy Abunda ng ABS-CBN, Lunes, January 20, na nagkukumpirma ng paghihiwalay nila, na unang napabalita sa PEP.ph sa pagpasok ng 2020.

ERICKA’S CONTROVERSIAL POST

Ngayong Martes ng hapon, nakaagaw ng pansin ng netizens ang post ni Ericka sa kanyang Instagram Story.

Dito ay ipinost niya ang larawan ng isang babaeng tila nag-e-emote.

Sa isang malaman na caption—na gumamit ng mga salitang “cheater” at “karma”—sinabi nitong may bagong balitang nakarating sa kanya.

Caption ni Ericka (published as is): “my dm is flooded w the ‘did u hear??’ ‘what do u have to say about..’ ‘he$ a cHeAteRrr’

“this is me rn letting the news speak for itself

“karmas a bitch LOL

“god spared me”

Hindi nagtagal ay binura rin ng U.S.-based blogger ang kanyang post.

Pero mabilis itong na-screenshot ng ilang netizens, at agad kumalat sa Twitter.

Nag-top trending pa si Ericka ngayong hapon.

Ngayong hapon din ay nagpadala ng mensahe ang PEP.ph (Philippine Entertainment Portal) kay Ericka.

Hiningan namin ng linaw ang kanyang binurang post.

Pagkalipas ng ilang minuto, isang bagong post sa Instagram Story ang in-upload ni Ericka.

Aniya sa bagong post, dinelete niya ang nauna dahil sa isa itong “bad joke” at wala siya sa lugar magkomento.

Buong post ni Ericka (published as is): “deleted my post bec i realized it was a bad joke, im sorry for letting the impulsive aries get the best of me this really isn’t any of my business & it is never ok to be mean to ppl”

Sumagot din si Ericka sa PEP.ph.

Pumayag siyang maisulat ang kanyang paliwanag, pero tumangging magpa-interview nang pormal.

Aniya sa PEP.ph, binura niya ang naunang post “out of respect to their fans [heart emoji],” na ang tinutukoy ay ang JaDine followers.

Bahagi ng mensahe niya (published as is): “you may write about it but I unfortunately would like to decline an interview because I don’t want to give out details about what the post meant & other personal stories about other people involved.

“Please include why I took it down out of respect to their fans [heart emoji]”

Sa isa pang sumunod na Instagram Story, may malinaw na statement si Ericka para sa mga naghihintay ng kanyang karagdagang reaksiyon, na nauna nang tinawag na “makalat” ng isang netizen.

Sagot ni Ericka: “sorry loves kalat is over”

NETIZENS HAVE MIXED REACTIONS

Ang netizens ay may mixed reactions.

May mga kumastigo kay Ericka at nagsabing hindi pa raw siya maka-move on sa breakup nila ni James kaya’t nanghihimasok sa isyu nina James at Nadine.

Narito ang ilang batikos sa kanya:

Mayroon din namang mga kumampi kay Ericka, at nag-tweet tungkol sa paghihiwalay nina James at Nadine.

Narito ang ilang reaksiyon ng netizens na pabor kay Ericka: