• Ibinahagi ni Rufa Mae Quinto ang kaniyang near-death experience habang nasa Amerika
• Hinimatay siya dahil sa sobrang lungkot, nerbiyos, at gutom habang kumukuha ng pagkain
• Ayon kay Rufa, gusto niyang bumangon para sa kaniyang anak sa kabila ng mga pagsubok na hinaharap niya
• Kabilang sa mga isyung kinakaharap niya ang planong hiwalayan ng asawa at kasong isinampa laban sa kanya

Ibinahagi ng Kapuso comedy actress na si Rufa Mae Quinto ang kaniyang nakakatakot na karanasan sa Amerika, kung saan hinimatay siya dahil sa sobrang lungkot, nerbiyos, at gutom. Sa panayam sa Ogie Diaz Inspires, ikinuwento ni Rufa na bigla siyang nahilo at bumagsak habang kumukuha ng pagkain.

“Hinimatay ako sa US sa sobrang nerbiyos, sobrang lungkot. Lahat na,” ani Rufa, sabay pakita ng larawan niya sa cellphone kung saan makikita ang sugat sa kaniyang baba. Ayon sa aktres, hindi siya halos kumakain nang maayos sa takot na madagdagan ang timbang matapos ang Pasko.

Sa gitna ng kaniyang emosyonal na kwento, ibinahagi rin ni Rufa ang kanyang pagmamahal sa anak. “Gusto kong yakapin lang ‘yong anak ko. Kung tulog siya, gusto ko lang nando’n ako sa tabi niya,” dagdag niya.

Sa kabila ng matitinding hamon na hinaharap niya, tulad ng planong pakikipaghiwalay ng kanyang mister na si Trevor at kasong isinampa laban sa kanya, pinili ni Rufa na bumangon at lumaban para sa kaniyang anak.

“Mas pinili kong gumising dahil kailangan ako ng anak ko,” pahayag niya na puno ng determinasyon.

Si Rufa Mae Quinto-Magallanes ay sumikat bilang isang Filipina actress, comedian at TV host. Nakilala siya sa kanyang kakaibang estilo ng pagpapatawa.

Pinasok niya ang mundo ng showbiz nang mapabilang siya sa That’s Entertainment noong 1996. Ilan sa sumikat niyang pagganap ay bilang si ‘Booba’ sa pelikulang Booba noong 2001 at bilang si ‘Boobita Rose’ sa Masikip sa Dibdib.

Matapos ang kanyang pamamalagi sa Amerika, bumalik kamakailan sa Pilipinas si Rufa Mae. Nauna siyang napasama sa UniTeam rally na talaga namang pinag-usapan.

Sa kanyang pag-uwi sa Pilipinas, ibinahagi niya sa kanyang social media account ang bagong bahay na kanilang tinitirhan pagbalik nila sa Pinas.

Matapos lumabas ang video ng kanyang pagkanta sa rally para kay Senator Manny Pacquiao, agad na nag-trend sa Twitter si Rufa Mae.

Marami ang nawindang na makita siya sa naturang rally dahil bago ito ay naroroon din siya sa UniTeam rally ni Pangulong Bongbong Marcos.

Maging si Rufa Mae ay binahagi sa kanyang Instagram story ang screenshot ng top trends sa Twitter kung saan makikita ang kanyang pangalan.