Inamin ni Karla Estrada na labis siyang naapektuhan sa masasakit na salitang ibinabato sa kanyang anak na si Daniel Padilla, bunsod ng paghihiwalay ng Kapamilya actor at ng ex-girlfriend nitong si Kathryn Bernardo.

Noong November 30, 2023, sa pamamagitan ng magkahiwalay na statement, kinumpirma nina Kathryn at Daniel na nagwakas na ang labing-isang taon nilang relasyon.

Nabaling kay Daniel ang sisi sa nangyaring hiwalayan dahil nagkaroon umano ito ng lihim na relasyon sa aktres na si Andrea Brillantes na naging mitsa para kay Kathryn na makipaghiwalay.

Bukod pa riyan ang pagdikit ng pangalan ng aktor sa iba pang mga babae, dahilan para isipin ng marami na makailang beses niyang pinagtaksilan si Kathryn.

Dahil dito, kaliwa’t kanang pambabatikos ang inabot ni Daniel mula sa publiko.

→ Swipe to see more articles

Related Posts

IBINUNYAG ni Karla Estrada na siya ay labis na NASAKTAN dahil kay Kathryn Bernardo na nagpapakita bilang biktima

FULL VIDEO: Albie Casiño NAGPAPAKITA ng WALANG GALANG kay Jaclyn Jose dahil sa hidwaan kay Andi Eigenmann

OMG! Marjorie Barretto DENIES Claudine’s allegations of a.ttacking their mother: “Settle it in court!”

Many Filipino stars EXPRESSED their deep condolences for the famous Asian star Barbie Hsu – the youth of many people, including Kim Chiu,…

Pinagalit ni Derek Ramsay si Andi Eigenmann nang magbigay siya ng komento na nang-iinsulto sa kanya at pinagtanggol ang ikatlong tao

OMG! Vice Ganda NAGULAT nang ibunyag ang tunay na kasarian ni Enchong Dee

KARLA ON hurtful comments receiveD by DANIEL

Sa pagbisita ni Karla sa Fast Talk With Boy Abunda nitong Miyerkules, January 29, 2025, napag-usapan ang kontrobersiyang kinaharap ni Daniel dahil sa hiwalayan nila ni Kathryn.

Diretsahang tanong ng host na si Boy Abunda, “[Ano] ang pinakamalaking kontrobersiya na pinagdaanan ni Daniel na muntik ka nang bumigay?”

Sagot ni Karla, “Siguro itong mga ibinatong masasakit na salita kay Daniel nitong mga nagdaang taon.”

Ani Karla, labis siyang naapektuhan sa masasakit at below-the-belt na komento online sa kanyang anak.

Dumating pa raw sa puntong gusto na niyang isa-isahing sagutin ang mga negatibong komento na ibinabato kay Daniel.

Aniya: “I think yung paghihiwalay kasi nila, sa kanila ni Kathryn yon, e.

“Sila naman ang nakakaalam talaga at sila naman [ang] magreresolba kung ano man yung dahilan ng paghihiwalay at doon sa nangyaring hiwalayan.

“Pero yung salita ng tao na halos hindi mo na makain at sobrang kabastusan kung anuman ang… medyo yon ang hindi ko na kinakaya.

“Hindi ko kinakaya na parang ikamamatay ko. Hindi ko na halos kayanin na kailangan ko nang hanapin yung mga taong ganoon magsalita at isa-isahing sagutin.”

Read: Kathryn Bernardo now ready to fall in love again

Ngunit imbes na pangunahan sina Daniel at Kathryn, pikit-mata raw ipinaubaya ni Karla sa dalawa ang sitwasyon at minabuting hindi na lang pumatol at magsalita.

Saad niya, “Parang ganun, but of course kinakausap kita [Boy], kinakausap ko yung iba nating kaibigan.

“Kaya ang pinakamaganda nating ginawa ay ipaubaya doon sa dalawa.”

Read: Rommel Padilla hopes Daniel and Kathryn will reconcile

KARLA HOPES DANIEL will be okay

Hindi ito ang unang pagkakataong nagsalita si Karla tungkol sa paghihiwalay nina Daniel at Kathryn.

Noong May 11, 2024, sa YouTube vlog ng broadcast journalist na si Bernadette Sembrano, nakumusta siya sa lagay noon ni Daniel.

Ayon kay Karla, hindi niya masasagot ang tanong kung kumusta si Daniel dahil bilang ina, alam daw niyang kahit papaano ay naaapektuhan pa rin ang anak sa hindi matapus-tapos na pambabatikos dito nang mag-break sila ni Kathryn.

Panimula ni Karla: “Yung anak ko, pinag-usapan naman ng buong daigdig iyan, ano. And I always pray that he will be okay.

“But at the end of the day, yung question na kumusta yung anak ko, kumusta si Daniel, si Daniel lang ang tanging makakasagot nang buo nun.

“But ako, as a mother, I always pray for the best for my son, para sa mga anak ko, hindi lang kay Daniel. And I always pray na maging better sila.”

Walang direktang paglilinaw si Karla kung totoong nagtaksil si Daniel kay Kathryn.

Pero nais daw niyang matuto ang kanyang mga anak sa kanilang mga pagkakamali at sa mga pagsubok na pinagdadaanan at daranasin pa nila.

Ang mga anak na pinapatungkulan ni Karla, bukod kay Daniel, ay sina Jose Carlito, Margaret, at Carmella.

Sabi pa ng aktres, “Kasi kailangan mong magkamali para may matutunan ka at para mas maging maayos ka at mabuti kang tao after that.

“Nandito lang ako lagi sa likod ni DJ [palayaw ni Daniel] if ever tawagan niya ako at gusto niya akong makausap.

“It’s an exercise for my children na hindi dapat sila agad nakatanghod sa akin tuwing meron silang problema.

“Kasi ang tinuro ko sa mga anak ko, ‘Puwede tayo madapa, puwede tayo masaktan, and just learn from it. Matuto lang tayo diyan kasi hindi puwedeng tumigil ang buhay.’”

Sinabi rin ni Karla na walang perpektong tao at “lahat nagkakamali” anuman ang edad, estado, at katayuan nito sa buhay.

Importante rin daw na marunong magpatawad ang isang tao para mabawasan ang bigat na dinadala nito sa puso.

Saad ni Karla: “Magsisingkuwenta na ako ngayon, hindi pa rin perfect ang buhay ko. Araw-araw may pagkakamali pa rin tayo.

“Bago ka matulog, magpatawad ka. Humingi ka ng tawad, magpatawad ka. Ipagdasal mo yung mga taong nagagalit sa iyo.

“Sa akin, pag sinabing, ‘Hindi naman totoo iyan, ba’t mo ipagdarasal?’ Minumura ka araw-araw sa social media, tinatawag ka ng anu-ano, pati mga anak mo nasasali, di ba? Hindi ko na problema yun.”