Binantayan ng netizens ang social media posts ni Karla Estrada matapos pumutok ang balitang pambubugbog umano ng ex-boyfriend niyang si Jam Ignacio sa fiancée nitong si DJ Jellie Aw.

Mukhang hindi naman nagkamali ang netizens dahil sa TikTok ay sunud-sunod ang posts ni Karla na bihira nitong ginagawa.

Kapansin-pansin din ang tila pang-uuyam ni Karla sa kanyang mga post.

Hinala ng netizens, patama umano ito ng aktres kina Jam at Jellie, na nasa gitna ngayon ng kontrobersiya dahil sa seryosong usapin tungkol sa physical abuse sa kababaihan.

Tumagal ng halos limang taon ang relasyon nina Jam at Karla, at napabalita ang kanilang breakup noong July 2024.

Matapos nilang mag-break, hindi sila nagsalita sa dahilan ng kanilang hiwalayan.

Nang sumunod na buwan, August 2024, nagulat ang marami nang mag-post si Jam sa Instagram ng larawan nila ng bago niyang girlfriend na si Jellie.

At noong November 2024, sa ika-apat na buwan pa lamang ng kanilang relasyon, nag-propose na ng kasal si Jam kay Jellie.

KARLA ESTRADA’S TIKTOK POSTS

Sa isang TikTok post ni Karla kahapon, February 12, 2025, makikita siyang nagpapa-facial habang sinasabayan ang kantang “Do You Miss Me?” ni Jocelyn Enriquez.

Maririnig sa lyrics: “The radio plays our favorite song, and it’s what keeps me holding on.

“Baby, do you miss me now that I’m gone?

“The radio plays our favorite song, and it’s what keeps me holding on.

“Baby, do you miss me now that I’m gone?”

Tanong ng isang netizen sa comments section, “momshie Karla, Jellie Aw po ba name ng nag-facial sayo?”

Dagdag pa ng netizen, “POV: Yung gusto asarin ni ate girl si KARLA pero KARMA dumating sa kanya.”

Pagsang-ayon ng isang netizen, “kaya napasabi ako ng desurv HAHAHAHAHAHAHA”

Ang tanong ng netizen ay nag-ugat sa Instagram Story ni Jellie ilang oras bago ang pambubugbog umano sa kanya ni Jam, kung saan makikitang nagpapalinis ng kuko ang DJ sa isang nail salon.

“Ms. Carla” ang pangalan ng manikurista ni Jellie.

Caption ni Jellie sa knyang post: “ayoko nlang magtalk emeeee. Go ate carla.”

Ang sunod na post ni Karla sa TikTok ay nagmamaganda lang siya habang sinasaliwan ng linya ng kantang “Honestly” ng Harem Scarem.

Sabi ng isang netizen sa post niyang ito, “parinig pa nang parinig si girl, ayuuun kala naka jackpot”

Sa isa pa niyang post, sinabayan ni Karla ang audio ng kanta ni Nicki Minaj na “Itty Bitty Piggy.”

Maririnig dito, “I don’t even know why you girls bother at this point, like, give it up, it’s me, I win, you lose, ha ha ha ha”

Sa comments section pa rin ng mga TikTok post ni Karla ay marami ang nagpaabot ng mensahe kay Karla.

Narito ang ilan sa kanilang mga komento:

KARLA ESTRADA SINGS “WALA NA BANG PAG-IBIG?”

Sa isa pang video na ipinost ni Karla sa TikTok, kunyari ay sinasagot niya ang tanong ng isang voice-over.

Sabi dito, “How was your day?”

Sagot ni Karla, “Good.”

Tanong muli sa kanya, “Yeah?”

Sagot niya, “Yeah. My day was good.”

Hinala ng netizens, base sa comments, patama raw ito ni Karla kay Jellie.

Narito ang kanilang mga komento:

Sa sumunod namang post ni Karla, makikita siyang nagli-lip sync ng kanta ni Jaya na “Wala Na Bang Pag-ibig?”

Habang kumakanta ang actress-TV host ay nag-aayos siya ng buhok at tumatawa na tila nang-aasar.

Sinasabayan niya ang lyrics na ito:

“Pag wala ka na sa aking tabi / Tunay na di magbabalik
“Ang dating pagmamahalan, pagsusuyuan / At tuluyan bang hahayaan
“Wala na bang pag-ibig sa puso mo?
“At di mo na kailangan / Ang pag-ibig na dati’y walang-hanggan
“Pano kaya ang bawat nagdaan?”

Ayon sa netizens, malinaw na parinig daw ito ni Karla kay Jellie.

Narito ang kanilang mga komento:

Read: Karla Estrada’s boyfriend sees forever in their relationship: “Yun yung nakikita ko.”

JELLIE AW CALLS OUT KARLA ESTRADA

Nitong January 2025 lamang, diretsahang pinangalanan ni Jellie si Karla sa kanyang Instagram Story tungkol sa kanyang trabaho.

Hindi malinaw kung ano ang pinanggagalingan ni Jellie, na isang DJ sa isang club.

Ngunit pinagsasabihan nito si Karla na huwag siyang guluhin nito.

Tila may pang-aasar ding tinawag ni Jellie si Karla na “mommy.”

Eksaktong post ni Jellie: “Karla estrada nanahimik ako! wag mo damay work ko nanahimik ako mommy”

Hindi nag-react si Karla sa isyu.

At ngayon, muling naging laman ng balita sina Karla, Jam, at Jellie dahil sa isyu ng ex-boyfriend ni Karla at ng fiancée nito.

Ayon sa mga kaibigan ni Jellie, nauwi sa bugbugan ang maliit na away nina Jellie at Jam.

Hanggang ngayon ay nananatiling tikom ang magkabilang kampo nina Jellie at Jam sa insidente.