Bakit nadadawit ang pangalan ni Cedric Lee sa Hayden-Katrina video scandal?
UKG: Cedric Lee linked to Hayden-Katrina sex videos?

Iimbitahan ng National Bureau of Investigation (NBI) si Hayden Kho Jr. at iba pang personalidad sa isinasagawa nilang imbestigasyon kaugnay sa posibilidad ng pagkakasangkot ng negosyanteng si Cedric Lee sa kumalat na sex video nina Hayden at Katrina Halili sa internet noong 2009.

Sa ulat ng GMA News TV’s “QRT” nitong Martes, sinabing maaaring makapagbigay ng impormasyon si Hayden tungkol sa mga taong posibleng nasa likod ng pagpapakalat ng kanilang sex video ni Katrina na naging laman ng mga balita at inimbestigahan pa maging ng Senado.

Ang muling pagsisiyasat sa private video nina Hayden at Katrina ay naungkat matapos sabihin ni Atty. Raymund Palad, abogado ng aktres, na nabanggit noon ni Hayden sa isang pag-uusap ang pangalan ng isang “Cedric” na umano’y humihingi sa kaniya ng malaking halaga kapalit ng hindi pagkalat ng video nila ni Katrina.
Condemnation of Cedrick Lee's Actions Against Vhong Navarro

Kasama rumano sa naturang pag-uusap ang ina ni Hayden na si Irene, dating nobya nitong si Dra. Vicky Belo, at kanyang mga abogado na naganap noong May 21, 2009. Batid daw ng mga dumalo sa pag-uusap na naka-record ang kanilang  pagtitipon.

Ang naturang pag-uusap ay naka-record at ibinigay ng kampo ni Hayden sa korte bilang ebidensiya at nakakuha naman ng kopya ang kampo ni Katrina.

Ayon kay Palad, si Hayden lang ang makakapagbigay ng linaw kung ang “Cedrid” na binanggit nito sa audio recording ay ang Cedric Lee na kinasuhan ng aktor na si Vhong Navarro.

Dahil sa iskandalo, tinanggalan ng lisensiya si Hayden bilang duktor.

Nakakulong ngayon si Cedric matapos sampahan ni Vhong ng mga kasong serious physical injury, serious illegal detention at grave coercion.

Sa hiwalay na ulat ng GMA news “24 Oras” nitong Martes, sinabi sa isang text message ni Atty. Howard Calleja, abogado ni Cedric, na hindi niya batid ang naturang usapin.

Pero kung totoo umano na sinusubukan ng DOJ na isangkot ang kanyang kliyente sa isa na namang usapin na walang basehan, makikita daw ang pagiging bias ng DOJH laban kay Cedric. — FRJ, GMA News