Ayon kay Toni Gonzaga, noong makatrabaho raw niya si Coco Martin sa isang movie ay never niya itong maurot sa pribadong buhay nito.

Ngayon naman, obserbasyon niya ay open na raw ang aktor na pag-usapan ang kanyang buhay pag-ibig.

Sey naman ni Coco, napagtanto raw kasi niyang unfair din kung itatago pa sa publiko ang dyowang si Julia Montes.

Deserved din daw kasi nito na mai-flex din sa madlang pipol.

Pero kung tutuusin daw ay very shy raw siya pagdating sa pag-express ng kanyang affection kapag nakamata sa kanila ang publiko.

Ang lagay pa nga raw ay nahihiya siyang iabot dito ang pa-flowers niya nang minsang dalawin niya ang aktres sa set ng serye nito.

Sa kanilang tsikahan, ibinahagi rin ni Toni ang hindi niya makakalimutang karanasan nang makatrabaho niya ang aktor noong nag-shoot sila sa Batanes.

Na-stress daw siya noon dahil pinigil sila sa airport .Bumili kasi ang aktor ng rare birds na bawal sa paliparan.

Hindi naman ikinaila ni Coco na nagkaroon siya ng fascination sa mga ibon noon.

Katunayan, bumili raw siya noon ng sangkatutak na kalapati na itinago niya sa banyo ng kanyang hotel.

Ang siste, umalingasaw daw sa baho ang kanyang tinutuluyang kuwarto dahil sa dumi ng mga ibon.