– Kinumpirma ni Sam Milby ang hiwalayan nila ni Catriona Gray matapos ang halos isang taong espekulasyon tungkol sa kanilang relasyon

– Nilinaw ng aktor na walang third party na sangkot sa kanilang paghihiwalay at pinabulaanan ang isyung may kaugnayan siya kay Moira Dela Torre

– Inamin ni Milby na hindi na sila magkaibigan ni Dela Torre ngunit hindi na siya nagbigay ng karagdagang detalye tungkol dito

– Ibinahagi rin niya ang patuloy niyang laban sa Type 2 diabetes at ang pagtaas ng kanyang blood sugar levels sa kabila ng maingat niyang diet

Matapos ang halos isang taon ng usap-usapan tungkol sa kanilang relasyon, kinumpirma ni Sam Milby nitong Martes na tuluyan na silang naghiwalay ni Miss Universe 2018 Catriona Gray.

Naging opisyal na magkasintahan ang dalawa at na-engage noong 2023. Gayunpaman, napansin ng mga tagahanga noong nakaraang taon na tinanggal ni Gray ang mga larawan ng kanilang engagement sa kanyang Instagram account, na nagdulot ng espekulasyon tungkol sa estado ng kanilang relasyon.

Sa isang panayam sa ABS-CBN News sa media conference ng kanyang seryeng “Saving Grace,” nagsalita si Milby tungkol sa kanilang paghihiwalay. Nang tanungin kung maayos sila ni Gray, sagot niya, “Wala kaming problema.”

Ngunit nang diretsahang tinanong kung sila pa rin ni Catriona, tahasang sinabi ng aktor na, “No.”

“Kami ni Cat, we’ve always been private about our relationship,” aniya. “Nagbahagi kami ng ilang bagay noong na-engage kami, pero sa detalye ng aming buhay, hindi talaga kami bukas.”

Nilinaw rin ni Milby ang usap-usapan na may third party na sangkot sa kanilang hiwalayan, lalo na ang umano’y kaugnayan ni Moira Dela Torre.

“There was never a third party sa amin ni Cat. That needs to be cleared. There is no truth to it at all,” aniya.

Nagbigay rin siya ng babala sa publiko na mag-ingat sa mga impormasyong nakikita online. “Please mag-ingat kayo sa mga nakikita niyo online. If there’s no evidence, ‘wag niyong paniwalaan. Walang katotohanan ang issue na ito.”

Bukod sa paghihiwalay, ibinahagi rin ni Milby na hindi naging madali para sa kanya ang mga nakaraang linggo dahil sa kanyang lumalalang kondisyon sa diabetes.

Noong Hunyo 2024, isiniwalat ng aktor na siya ay may Type 2 diabetes. Ngunit sa kabila ng maingat niyang diet, patuloy pa rin ang pagtaas ng kanyang blood sugar levels.

Si Catriona Gray ay isang Filipino-Australian actress at model na ipinanganak noong January 6, 1994. Nakasali na siya sa Miss World 2016 bago pa man nasungkit ang korona sa Miss Universe.

Inalmahan ni Catriona Gray ang isang Faceboook page na nag-post tungkol sa kanya .

Marami ang nawindang sa nilagay na pangalan sa naturang post dahil nakalagay ang apelyidong Milby sa pangalan niya. Nilinaw ni Catriona na Gray ang kanyang apelyido at hindi pa siya ikinakasal kay Sam.

Pinabulaanan niya rin ang balitang kasali umano siya sa pelikulang tungkol sa buhay ni Jose Rizal.

Samantala, ibinida ni Catriona ang kanyang closet sa ikalawang bahagi ng kanyang Casa de Gray home tour. Pinaliwanag ni Catriona na kaya nakalabas halos lahat ng kanyang mga gamit dahil sa posibilidad na makalimutan niya at hindi na magamit ang mga ito.

Pinakita niya rin na marami sa kanyang mga gamit ay gawang lokal at aniya ay nahilig siya sa mga ito.

Para naman sa mga viewers niya ay nakakahanga si Catriona dahil kahit hindi na siya ang reigning Miss Universe ay tuloy ito sa pagtangkilik ng produktong Pilipino.