Inamin ni Lovi Poe na kinilig siya nang kunan ang debut scene niya kasama ni Coco Martin sa ‘FPJ’s Batang Quiapo’.

Inamin ni Lovi Poe na kinilig siya nang kunan ang debut scene niya kasama ni Coco Martin sa ‘FPJ’s Batang Quiapo’.Viral nga ang nasabing eksena sa episode ng serye lalo pa ang kissing scene nina Coco at Lovi o ng mga karakter nilang sina Tanggol at Mokang.

“Mahirap naman kasing hindi kiligin, eh. Sabi ko nga, nagdidirek pa lang siya,” natatawang sabi ni Lovi sa ginanap na mediacon ng teleserye.

“Hindi maiiwasan, eh, kasi kapag pinapanood mo pa lang si Coco na nagdidirek at the same time, habang ginagawa ‘yung eksena na ‘yun, siya pa rin ang nagdidirek habang nagki-kissing scene kami, makikita mo after nu’n, siya pa ‘yung magka-cut, siya pa ‘yung magsasabi kung saan, so mahirap na hindi kiligin talaga,” dagdag pa ng aktres.

Pagbubunyag naman ng actor-director na si Coco, talagang smack kiss lang sana ang gagawan nila ni Lovi.

“Sa totoo lang, dapat ‘yung eksena namin, nag-kiss lang kami ng isang smack. Eh, nu’ng naramdaman na namin ‘yung music habang sumasayaw kami, nagdire-diretso na!”

At nagkaramdaman nga raw ang dalawa kaya nagtuloy-tuloy na ang kanilang eksena!

Kaabang-abang na nga ang mga eksena sa ‘Batang Quiapo’ lalo na ang pagbabago sa pananaw ni Tanggol.