– Pinabulaanan ni Vice Ganda ang isang kumakalat na fake quote card na naglalaman ng umano’y papuri niya kay dating Pangulong Rodrigo Duterte at hinimok ang publiko na i-report ito

– niya sa social media na hindi siya kailanman nagbigay ng ganitong pahayag at nagpahayag ng pagkadismaya sa maling impormasyon

– Kasabay ng insidenteng ito, naging usap-usapan ang pagkakaaresto kay dating Pangulong Duterte at ang kanyang nakatakdang paglilipat sa The Hague ngayong gabi

– Nag-trend sa social media ang pangalan ni Vice Ganda matapos ang paglabas ng fake quote card na tila may layuning ipakita ang kanyang pagsuporta kay Duterte

Mariing itinanggi ng TV host-comedian na si Vice Ganda ang isang kumakalat na quote card na naglalaman ng umano’y pahayag niya tungkol sa dating administrasyong Duterte.

Sa kanyang social media account, agad niyang pinabulaanan ang naturang quote at nanawagan sa publiko na i-report ito.

“I never stated this. Pls report,” ani Vice Ganda, na nagpapahiwatig ng kanyang pagkadismaya sa maling impormasyon.

Ang nasabing quote card ay naglalaman ng mga linyang pumupuri sa dating Pangulong Rodrigo Duterte, partikular na sa kampanya kontra-droga, seguridad ng publiko, at paggamit ng pondo ng gobyerno sa panahon ng pandemya.

Sa kabila nito, nilinaw ng komedyante na hindi siya kailanman nagbigay ng ganitong pahayag.

Samantala, naging mainit ang diskusyon sa social media matapos ang pagkakaaresto kay dating Pangulong Rodrigo Duterte ngayong araw.

Ang dating pangulo ay umano’y inilipat sa kustodiya ng mga dayuhang awtoridad at nakatakdang dalhin sa The Hague ngayong gabi.

Maraming personalidad, kabilang ang mga kaalyado ni Duterte, ang nagpahayag ng matinding pagkondena sa naturang hakbang ng gobyerno.

Bagama’t hindi diretsahang nagbigay ng komento si Vice Ganda sa isyu, nag-trend sa social media ang kanyang pangalan matapos lumabas ang fake quote card na tila naglalayong ipakita ang kanyang pagsuporta kay Duterte. Patuloy na pinaaalalahanan ang publiko na maging mapanuri sa impormasyong nakikita sa social media, lalo na sa gitna ng mga kontrobersiyang kinasasangkutan ng bansa.

Si Vice Ganda, o Jose Marie Viceral sa totoong buhay, ay isang sikat na komedyante, host, aktor, singer, at entrepreneur sa Pilipinas.

Kilala siya bilang main host ng noontime show na It’s Showtime at sa kanyang mga blockbuster movies tulad ng Praybeyt Benjamin, Fantastica, at The Super Parental Guardians.

Bukod sa pagiging isang entertainer, isa rin siyang advocate ng LGBTQ+ community at may malakas na impluwensya sa pop culture ng bansa.

Mabilis na kumalat ang bali-balitang nag-walkout si Vice Ganda sa Barako Festival matapos hindi na niya itinuloy ang kanyang dance performance.

Nilinaw ng isang malapit kay Vice na hindi ito walkout kundi isang teknikal na problema dahil mali ang music na pinatugtog para sa kanyang performance.

 Bagamat hindi na siya sumayaw, nagsalita pa rin si Vice sa stage at binati sina Ate Vi at isang Party-list group bago siya umalis. Maraming fans ang nanghinayang dahil nag-rehearse pa si Vice bago ang event, ngunit nanatili namang maayos ang kanyang relasyon sa organizers at mga panauhin.

Nag-“belat” si Vice Ganda sa mga bumabatikos sa It’s Showtime kaugnay ng pagbati nila kay Sofronio Vasquez sa tagumpay nito sa The Voice USA. Tinawag ng It’s Showtime na “our very own” si Sofronio, na tatlong beses sumali ngunit natalo sa Tawag ng Tanghalan. Ibinahagi ni Sofronio na naging vocal coach siya ng mga contestant ng Tawag ng Tanghalan matapos siyang bigyan ng trabaho ng It’s Showtime. Nagpasalamat si Sofronio sa It’s Showtime at itinuturing ito bilang bahagi ng kanyang tagumpay sa The Voice USA.