Ni-repost nina Dingdong Dantes, Kristoffer Martin at Barbie Forteza ang post ni Alden Richards sa gaganaping fun run na “Lights, Camera, Run! Takbo Para sa Pelikulang Pilipino. Kaya, ini-expect ng fans na sasama ang tatlo sa fun run na mangyayari sa May 11, 2025 sa Central Park, SM By the Bay, Mall of Asia, Pasay City.
Pangungunahan ni Alden ang fun race na presented ng MOWELFUND at ng kanyang Myriad Corporation. “This exciting event aims to raise essential support for Filipino filmmakers and artists, fostering the continued growth and vibrancy of Philippine cinema.”
Noong March 16, 2025, nagkapirmahan na ng kontrata ang Myriad Corporation represented by Alden na CEO ng company at Ms. Boots Anson-Rodrigo for MOWELFUND.
Mamimili ang sasamang tumakbo kung sa 3K, 5K, 10K o 16K sila tatakbo. Kung gusto ninyong sabayan si Alden, be ready to run sa 16K dahil ito ang tatakbuhin ng aktor.
In fairness, marami ng fans ang sasali masabayan lang si Alden at pati ang ibang celebrites na tatakbo.
Para mas masaya, come and run in your best costume! Takbuhan na!
Speaking of Alden, may bago na naman itong negosyo. Nagkapirmahan na sila ng kontrata ni Mr. Gerry Santos at winelcome na siya nito bilang partner niya sa Mr. Freeze Tube Ice Inc. Sabi ni Mr. Santos, “Done Deal! My new partner! Welcome to Mr. Freeze Family.”
Maalalang partner din sa Mr. Freeze Tube Ice Inc., si Derek Ramsay at may ari ito ng isang branch ng nasabing business. Right timing ang pakikipag-partner ni Alden kay Mr. Santos dahil summer at marami ang gagamit ng yelo. (Nitz Miralles)