Dennis slams children after being treated as “visitor” at Claudia’s wedding.

Dennis Padilla leaves “kapal nyo” comment on Julia Barretto’s Instagram post after airing his dismay about daughter Claudia Barretto’s wedding.
PHOTO/S: Julia Barretto on Instagram/PEP Files

Halatang matindi ang sama ng loob ni Dennis Padilla dahil naging “visitor” o guest lang siya sa halip na “father of the bride” sa kasal ng sarili niyang anak na si Claudia Barretto kahapon, April 8, 2025.

Bukod sa burado na niyang post sa Instagram tungkol dito, nag-iwan din ng maanghang na komento si Dennis sa Instagram post ng isa pa niyang anak na si Julia Barretto.

Sina Julia at Claudia ay mga anak ni Dennis sa dati niyang asawa na si Marjorie Barretto. Ang isa pa nilang anak ay si Leon Barretto.

Ikinasal si Claudia sa kanyang longtime boyfriend na si Basti Lorenzo kahapon.

Claudia Barretto and longtime boyfriend Basti Lorenzo exchange “I dos” in an intimate ceremony witnessed by their family and friends. 
Photo/s: Courtesy: @mindcl0unds on TikTok / carloDL

Kinagabihan, habang ginaganap pa ang reception ng kasal nina Claudia at Basti, isinapubliko ni Dennis ang kanyang himutok sa pamamagitan ng social media.

Buong post niya: (published as is): “GRABE KAYO!! NABUDOL NYO AKO! FATHER OF THE BRIDE NAGING VISITOR! GALING NYO!”

Just hours after attending the wedding of daughter Claudia Barretto, Dennis Padilla aired his dismay for being treated as a “visitor” and not the “father of the bride.”

Dalawang beses itong ipinost ni Dennis sa kanyang social media accounts na kalaunan’y dinelete din niya.

DENNIS leaves comment on Julia’s Instagram post

Lumalabas na hindi lang kay Claudia may sama ng loob si Dennis.

Nitong umaga ng Miyerkules, April 9, ay nagkomento si Dennis sa isang post ni Julia sa Instagram.

Bagamat wala kakune-konekta ang nasabing post ni Julia sa kasal ng kapatid na si Claudia, dito napiling ilabas ni Dennis ang himutok sa kanyang mga anak.

Maanghang na komento ng aktor (published as is): “Kapal nyo.”

This comment of Dennis Padilla on Julia Barretto’s Instagram post has been deleted. 
Photo/s: Screengrab Reddit

Agad din itong binura ni Dennis, ngunit marami na sa followers ni Julia ang nakapag-screenshoot nito at ni-repost sa social media.

JULIA REPOSTS sweet VIDEO WITH SISTER DANI FOLLOWING DENNIS’ COMMENT

Tila hindi naman nagpaapekto rito si Julia.

Ilang oras matapos mag-comment ng kanyang amang si Dennis ay isang video ang ni-repost ni Julia sa Instagram Stories.

Sa video ay makikita ang sweet bonding nila ng half-sister niyang si Dani Barretto sa kasal ni Claudia.

Mapapakinggan sa background ng kanyang IG Story ang awiting “Dont Worry Be Happy” ng American-singer na si Bobby McFerrin.

Julia Barretto (left) and Dani Barretto (right) 
Photo/s: Screengrab Julia Barretto on Instagram

Si Dani ay anak ni Marjorie sa dati nitong nakarelasyong si Kier Legaspi.

Samantala, hindi na rin makikita sa social media accounts ni Dennis ang in-upload niyang larawan ng muling pagkikita nila ng tatlo niyang anak na sina Julia, Claudia, at Leon.

Dennis Padilla with children (L to R) Leon, Claudia, and Julia, with Dennis’s mother, Catalina Baldivia.

Hinala ng netizens, dala ito ng labis niyang galit dahil sa nangyari sa kasal ni Claudia.