Paulo Avelino at Kim Chiu

HINDI naniniwala ang Kapamilya actor na si Paulo Avelino sa konsepto ng mga love language para raw mas tumagal at tumibay ang isang relasyon.

Ayon sa binata, mas naniniwala siya na kailangang balance ang lahat ng elements na involved sa isang relationship, kabilang na riyan ang trust at communication.

Sa latest vlog ng rumored girlfriend ni Paulo na si Kim Chiu, napag-usapan nga ng dalawang Kapamilya stars ang tungkol sa usaping ito at dito nga naglabas ng kanyang saloobin si Paulo.

Ayon sa “My Love Will Make You Disappear” actor, “Hindi ako naniniwala sa love language, eh.

“I always think na sa isang relasyon, it’s a mixture of everything. The right balance of everything,” aniya.

Sey pa ng aktor, pwedeng gawing guide ang sinasabing five common love languages (physical touch, words of affirmation, acts of service, giving gifts, and quality time) ng mga magkarelasyon oero hindi dapat gawing solid na basehan ng bawat mag-partners.

“Parang sinulat lang ‘yun (love languages) tapos parang naging reference ng maraming tao. Pero sa isang relasyon naman, parang hindi dapat ‘yun ang nagiging basehan, at hindi dapat ‘yun ang nagiging standard,” esplika ni Pau.

Reaksyon naman ni Kim, “Lagi ko talaga siyang tinatanong kung ano ang love language niya, giving and receiving…pero never talaga sinagot. Akala ko this time, masasagot. Wala talaga yun dito, eh!”

Matatandaang sa isang panayam noon kay Paulo ay nagbahagi na rin siya ng kanyang pananaw tungkol sa pagpapakasal. Hindi raw siya naniniwala noon sa marriage pero kalaunan ay nagbago rin ito.

“I’m just really waiting for the right one. Kaya nga tayo naghahanap ng relationship, that’s why we date people, you continuously test people or your relationship if ito na nga ba, kung pang habangbuhay na.

“Whenever naman I get into a relationship, I always consider that,” ang pahayag noon ni Paulo.

Sabi pa niya sa isang hiwalay na panayam, “If you commit to something, you should be decided to be there and stick to it, to your commitment.”

Samantala, mapapanood na ng mga KimPau fans simula sa March 26 ang first movie nila together, ang “My Love Will Make You Disappear” directed by Chad Vidanes under Star Cinema.