Ano nga ba ang “perfect date” para kay Maui Taylor?

Ayon sa aktres, mas gusto daw niya ang simpleng date basta pinaghandaan at pinag-isipan.

“I think a perfect date for me would be something intimate. Kasi ang hirap naman lumabas ngayon for Valentines day eh, everyone’s out,” pahayag niya sa isang exclusive video.

“[Gusto ko], something na talagang pinaghandaan. Let’s say if he’ll give me the number of flowers or roses that I want, the color that I want, that would be nice. Siguro may sweet or romantic background music, at siyempre dapat kaming dalawa lang,” pagpapatuloy niya.

Minsan na rin ibinahagi ni Maui na nabiktima na siya ng “mixed signals” ng isang lalaki.

“Ang tawag ko sa mga ganyang klaseng guys is ‘palitaw’ kasi lumulubog sila tapos lumilitaw. Kumbaga parang they’re trying to send out signals pero bigla naman silang mawawla. So yes, na-experience ko na ‘yan, a lot of times,” paliwanag niya.

Photo: gmapublicaffairs (Instagram)

Kasalukuyang napapanood si Maui sa action-adventure series na Lolong: Bayani ng Bayan.

Gumaganap siya dito bilang Dolores, dating kapitana sa barangay nina Lolong (Ruru Madrid).

Sa kanyang pagbabalik sa Tumahan, susubukan niyang makabalik sa kapangyarihan. Muli niyang tutulungan si Dona (Jean Garcia) sa masasamang balak nito.

Panoorin ang trailer para sa ika-walong linggo ng Lolong: Bayani ng Bayan:

Patuloy na tumutok sa dambuhalang adventure serye na Lolong: Bayani ng Bayan, Lunes hanggang Biyernes, 8:00 p.m. sa GMA Prime.

May delayed telecast din ito sa GTV, 9:40 p.m. at maaaring panoorin online sa Kapuso Stream.