Sanya Lopez, officially dating pero hindi pa taken

May nagpapatibok na ng puso ni Sanya Lopez! Kumusta kaya ang relationship status ng aktres?

Blooming sa muli niyang pag-upo sa GMA Integrated News Interviews si First Lady of Primetime Sanya Lopez. Aniya, ito ay dahil may nagpapasaya ngayon ng kaniyang puso.

Sa panayam niya kay Aubrey Carampel, inamin ni Sanya na nasa dating stage sila ngayon ng kaniyang special someone.

Ngunit paglilinaw niya, “Not yet taken, still single.”

Hindi na nagbigay pa ng detalye si Sanya tungkol sa kaniyang dating life ngayon. Pero ang mahalaga umano para sa kaniya ay masaya siya.

“I’m happy now. I’m just enjoying my life,” sabi ng aktres.

Sa panayam niya noong 2024 sa Updated with Nelson Canlas podcast, ibinahagi ni Sanya ang kaniyang haka-haka na baka kaya hindi pa siya nagkaka-love life ay dahil wala pa siyang oras dito.

“Parang ang hirap pumasok sa isang love life na hindi mo maibigay ‘yung tamang oras para sa kaniya. Kasi ako nga parang nabanggit ko before na kapag may binigay sa ‘kin na isang bagay, focus talaga ako dun kaya nung binigay talaga sa ‘kin ‘yung mga trabaho, talagang tutok ako,” sabi ng aktres.

Kuwento pa ng aktres, noong magkaroon siya noon ng love life, naging demand din sa kaniya noon ang oras. Ngunit noong mga panahon na iyon, mas nag-focus siya sa ibang priorities niya, katulad na lang ng kaniyang showbiz career.

Samantala, sa panayam naman niya noong February 17,2023 episode ng Fast Talk with Boy Abunda, hiniling niya na sana ang taong makakarealsyon niya sa hinaharap ay iyong seryoso na sa kanilang magiging relasyon.

“Hindi ako nagmamadali pero alam kong ibibigay n’yo sa akin sa tamang panahon. Kailangan seryoso na iyong tao sa akin, kailangang ‘di na tayo naglalaro,” sabi ng aktres.

Panoorin ang panayam ni Sanya rito: