KAYO ba mga ka-BANDERA, payag ba kayong magkaroon ng part 2 ang love story ng dating magdyowang sina Kathryn Bernardo at Daniel Padilla?

Natanong namin yan dahil napakarami pa ring KathNiel fans ang nagdarasal at umaasa na magkakabalikan pa rin sina Kath at DJ dahil sila raw talaga ang tunay na itinadhana.

Mas lalo pang tumindi ang paniniwala ng mga loyal supporters ng dating magkarelasyon na posibleng magka-second chance ang dalawa nang muli silang magkita at magkausap umano kamakailan.

Ang chika, talagang pinuntahan daw ni Daniel sa dressing room ang ex-girlfriend na si Kathryn sa naganap na ABS-CBN Christmas Special para magkita at magkaharap nang personal.

→ Swipe to see more articles

Related Posts

OMG 😱 ‼️Kim Chiu’s SHOCKING Confession about Kathryn Bernardo

ALDEN RICHARDS AT KATHRYN BERNARDO, INAABANGAN SA KANILANG MAKABULUHANG MGA GAWAIN! | MAINIT NA UPDATE!

Kathryn Bernardo and Alden Richards: From Stardom to Headlines—Why They’re 2025’s Top News Makers!

Kathryn Bernardo’s mother warns fans against “fake news”

Kathryn Bernardo Shocks Everyone: She Wants THREE Kids with Daniel Padilla, Alden Richards Reacts!

WHAT PEP KNOWS: Stars vying for Kathryn Bernardo?

Baka Bet Mo: Kathryn, Alden binalikan ang hirap, saya, takot sa shooting ng ‘HLA’

Napag-usapan ang chikang ito sa latest episode ng “Showbiz Updates” YouTube channel ni Ogie Diaz kung saan ibinalita nga ang umano’y pagkikita uli ng ex-celebrity couple makalipas ang mahabang panahon.

Sey ni Mama Ogs, “‘Yun nga ang tsika sa akin, nagkita ang dalawa, si Kathryn at si Daniel. Nagkita sila sa backstage sa dressing room.

“Bigla raw may dalang flowers itong si DJ. Kumatok sa dressing room. Pinapasok.

“Naglabasan ang glam team ni Kathryn at hinayaan ang dalawa na makapag-usap,” kuwento ng talent manager at content creator.

Ipinagdiinan ni Ogie na nakarating lang daw sa kanya ang balita at hindi niya personal na nasaksihan kaya maaaring  kumpirmahin o idenay nina DJ at Kath o ng sinumang naroon sa venue.

“Malay naman namin, wala naman kami doon. So, hindi natin alam kung ano ang pinag-usapan no’ng dalawa,” sey ni Mama Ogs.

Habang sinusulat ang balitang ito ay wala pang pahayag sina Daniel at Kathryn o ng sinumang may alam sa naturang pangyayari.

Pero totoo man ito o hindi, ang sure na sure kami ay ang patuloy na paghihintay ng kanilang mga tagasuporta sa iba’t ibang panig ng mundo sa pagbabalikan ng KathNiel.

Ayon sa mga nakausap naming fans, hangga’t wala pang ipinakikilalang bagong dyowa si Kathryn ay hindi pa rin sila nawawalan ng pag-asa na mabibigyan ng part 2 ang love story ng KathNiel.