David Licauco super proud kay Dustin Yu, knows ang mga sikreto ng isa’t isa

PROUD na proud ang Kapuso actor na si David Licauco sa kanyang kaibigan na si Dustin Yu na napapanood ngayon sa “Pinoy Big Brother: Celebrity Collab Edition.”

Ayon sa tinaguriang Pambansang Ginoo, masaya siya sa nangyayari ngayon kay Dustin dahil sa kasikatang tinatamasa nito ngayon sa loob ng Bahay ni Kuya. David Licauco super proud kay Dustin Yu, knows ang mga sikreto ng isa't isa

“I’m just really happy for him. You know, the day before he left, the day before he went inside PBB, I just got back from Australia. So, nagkita kami,” pahayag ni David.

Nakachikahan ng BANDERA ang hunk actor kasama ang ilan pang members ng press sa naganap na grand mediacon ng latest movie niyang “Samahan ng mga Makasalanan” nitong nagdaang Huwebes, March 27.

Sey pa ng ka-loveteam ni Barbie Forteza, maituturing niyang “big adjustment” para sa kanya ang pagpasok ni Dustin sa “PBB” house dahil nga super close sila bilang mag-BFF at halos palaging magkasama sa mga lakaran.

“Si Dustin kasi ‘yung pinaka-close ko. So, everyday ko siya kausap. Everyday kami magkausap, literally.

“So, siyempre, big adjustment for me, na wala siya. Everyday kami magkasama eh. Lahat ng sikreto ko, alam niya lahat ng sikreto niya, alam ko,” ani David.

Pagbabahagi pa ni David, binigyan din niya ng advice si Dustin bago pumasok sa “PBB” house.

“Sabi ko lang na, I think your objective should be to help everyone,” ani David.

Madalas mapanood sina David at Dustin sa mga ginagawa nilang TikTok video na nagpapasabog ng good vibes sa kanilang mga fans and social media supporters.

Nagkasama rin sila sa Kapuso historical series na “Pulang Araw” bilang magkaibigang sina Hiroshi at Kenji. Dito mas naging close pa ang dalawang Kapuso actor.

In fairness, isa si Dustin ngayon sa mga sinusubaybayan ng mga televiewers sa “PBB Celebrity Collab Edition”, lalo na ng mga beki. Umingay din ang pangalan niya sa “PBB” nang i-ship siya ng mga netizens at ng ilang housemates sa naging guest boarder ni Big Brother na si Ivana Alawi.

Samantala, bibida uli si David pelikulang “Samahan ng mga Makasalanan” kasama si Sanya Lopez. Ito’y mula sa direksyon ni Benedict Mique. Showing na ito sa mga sinehan simula sa April 19.