David Licauco, Kathryn Bernardo

NAKAKARATING rin pala mismo ng Kapuso hunk na si David Licauco ang ilang articles na tila shini-ship sila ng Kapamilya award-winning actress na si Kathryn Bernardo.

Sa katunayan nga raw ay nagulat at kinilig siya nang mabasa ang mga ito.

Magugunitang nag-umpisa ito nang makitaan sila ng chemistry at kilig factor nang magsama at magtabi sa naganap na “Body of Work” underwear fashion show kamakailan lang.

May mga pictures ding nagkalat sa social media kung saan kitang-kita kung paano sulyapan at titigan ni David si Kath.

Personal pa nga itong nasaksihan ng BANDERA dahil malapit lang ang upuan ng aming team sa stage ng event.

At dahil nga diyan, maraming supporters ng dalawa ang humihiling na sana’y bigyan ng chance na magkaroon ng collaboration project sina Kath at David.

Anyway, na-interview ang hunk actor ng ilang entertainment press sa isang event at naitanong siya kung ano ang reaksyon niya tungkol sa tila pagtatambal nila ng Kapamilya star.

“Nagulat ako siyempre,” pag-amin ni David.

Chika niya, “Growing up, si Kathryn ‘yung someone na I really looked up to. I watched all her movies with Daniel Padilla. I’m a fan.”

“And now, I’ve been seeing write-ups about us, kinikilig ka rin doon ‘di ba? Kahit naman sino. And I think everybody wants to work with Kathryn,” aniya pa.

Nauna nang inamin ni David sa isang grand presscon na very happy siya nang makita uli si Kathryn up close and personal, lalo na’t isa siyang fan.

“Nu’ng makita ko siya, I was in awe dahil bata pa lang siya nu’n, pinapanood ko na. Pero bata pa rin naman ako nu’n. I’ve seen her growth as an actress,” sey niya.

Hindi nga raw sila nakapag-usap ni Kath while on stage sa naganap na fashion show dahil ang dami raw nakikipag-selfie sa dalaga.