Excited na sina Dennis Trillo at Jennylyn Mercado na ibahagi ang kanilang upcoming action series.

Busy sa taping ng kanilang upcoming action series ang mag-asawa at kapwa Kapuso stars na sina Dennis Trillo at Jennylyn Mercado.

Excited na rin silang ibahagi sa mga manonood ang serye nilang may working title na Sanggang Dikit.

Ibang iba raw kasi ang roles nila dito kumpara sa mga dati nilang mga serye at pelikula.

“Excited ako kasi mapapanood nila kami ng ibang character naman. Hindi naman heavy drama, hindi naman comedy, pero action,” pahayag ni Jennylyn.

Happy naman si Dennis na muling makatrabaho sa isang teleserye ang asawa.

Matatandaang nagtambal sila kamakailan sa 2025 movie na Everything About My Wife, pero 2020 pa noong bumida sila sa ilang episodes ng mini series na “Truly. Madly. Deadly” mula sa anthology na I Can See You.

Taong 2015 pa noong nagkaroon sila ng full run teleserye na My Faithful Husband.

“Exciting dahil first time namin magkakasama ulit after ilang years. Noong umpisa, medyo nainibabago pa po si Jen kasi first time niya talaga magkaroon ng ganoong mga eksena sa teleserye, lalo na role niya dito, magaling makipagbakbakan,” lahad naman ni Dennis.

Samantala, wala naman daw plano para sa Holy Week sina Dennis at Jennylyn.

“Siguro po ang pinaka bakasyon namin, pag-celebrate na lang ng birthday noong anak namin,” bahagi ni Dennis.

Turning three years old na kasi ang daughter nilang si Dylan sa April 25.

“Mag-out of town lang po kami. Beach po kami,” ani Jennylyn tungkol sa simpleng selebrasyon nilang pamilya.

“Nahuhumaling din sa beach itong aming bunso,” paliwanag ni Dennis.

“Mga sea creatures, gustong gusto niyang makita,” dagdag ni Jennylyn.

Panoorin ang buong ulat ni Lhar Santiago para sa 24 Oras sa video sa itaas.