HOW true nga ba ang kumakalat na chikang tila ginagamit lang ng Lucena City Mayor Mark Alcala ang Kapamilya superstar na si Kathryn Bernardo sa kanyang pagtakbo ngayong eleksyon.

Marami kasi sa mga netizens ang nagdusa sa tunay na intesyon ng alkalde sa Kapamilya actress lalo na’t lumabas ang chikang magkasintahan na ang dalawa kung kailan malapit na ang eleksyon.

Matatandaang sinabi ng showbiz insider at talent manager na si Ogie Diaz na magkarelasyon na raw sina Kathryn at Mark ayon sa kanyang malapit na source.

“Ang sabi sa akin ng aking source […] it’s either November or December [naging sila]. E, no’ng November 13 ipinalabas ‘yong ‘Hello, Love, Again,’” lahad ni Ogie.

Ngunit nilinaw ni Ogie na wala pang kumpirmasyon kung totoo nga ang nasagap niyang balita tungkol kina Kathryn at Mark.

Umani nga ng samu’t saring komento mula sa mga netizens ang naturang ispluk ni Ogie lalo na sa mga fans ng tambalang KathNiel at KathDen.

Pakiramdam nila ay ginagamit lang ng alkalde si Kathryn para sa kandidatura nito sa pagka-alkalde dahil kilala ito at malaki ang followers.

Sa latest episode ng “Showbiz Update” ni Ogie Diaz na in-upload nitong Sabado, March 8, baka raw kaya inililihim ng dalawa ang relasyon ay dahil baka isipin ng ilan na ginagamit lang ng alkalde ang aktres para sa kandidatura nito.

Ngunit para sa kanya, malabong gamitin ni Mark si Kathryn para manalo ulit bilang mayor ng Lucena City.

“Feeling ko, hindi. Parang wala namang kalaban si mayor. […] Or unopposed ‘ata, e,” saad ni Ogie.

Dagdag pa niya, “Parang masyadong mataas pa rin ‘yong percentage sa survey ni Mayor Alcala. So, hindi para gamitin niya si Kathryn.”