Faney nahanap childhood crush ni Kathryn

Pinag-uusapan ngayon ng mga online netizen ang naging first crush ni Kathryn Bernardo.

Sa April 6 (Sunday) episode kasi ng ‘Pilipinas Got Talent’ ay naging topic ng mga judge at host ang kanilang naging first crush.

Ayon kay Kath, nagkaroon daw siya ng crush sa unang pagkakatoon noong Grade 2 siya atvsa province pa nila sa Nueva Ecija siya nag-aaral.

“’Yung first ever [crush], mestizo siya,” sey ni Kath.

Ayon pa sa Kapamilya actress, tahimik siya sa kanyang crush.

“Eh, ‘pag crush ko, mas lalo kong hindi ko ‘yon kakausapin. Parang mas lalong hindi mo mararamdaman kahit isabit mo ako, hindi ko aaminin na crush kita.”

Kinulit naman siya ni Melai Cantiveros kung ano ang name ng first crush niya?

Game naman na sinagot ito ni Kath.

“Ang name niya ay Kenneth.”

Curious nga ang mga netizen sa kung sino si Kenneth at kung ano na hitsura nito ngayon kaya hinanap nila agad ito sa mga social media platform.

Tumagal din ng ilang oras ang paghahanap ng mga netizen kay Kenneth na nagtapos nang i-tag at ibuking ng kaibigan niya ang Facebook account nito.

Isa nang doctor si Kenneth at gaya ng pagkaka-describe ni Kath ay mestizo nga ito.

Sey naman ng ama ni Kenneth sa post nito sa social media, “Di pa rin niya [Kath] nakalimutan ang bunso ko.”

Wish naman ng mga netizen na sana ay magkita ulit ang dalawa.

Exciting!