MAY bagong pasabog na chika ang showbiz insider na si Ogie Diaz!

Ayon sa latest episode na “Showbiz Update” kasama sina Mama Loi at Ate Mrena, may bagong pag-ibig na ang award-winning actress na si Kathryn Bernardo’s

Pagbubunyag ni Ogie na chinika raw sa kanya ng source, ito ay non-showbiz at isang batang politician!

“Malabo kasi –ang sabi lang sa akin ha, ewan ko kung true…Kasi kung single pa rin si Kathryn, pwedeng magkaroon ng possibility kung liligawan pa rin siya ni Daniel,” sey ni Ogie.

Patuloy niya, “Ang chika sa akin ay taken na raw si Kathryn.”

Bigla namang nag-react si Mama Loi at sabay tanong na, “Really?! Da who??”

Ang sagot ni Ogie, “Ang sabi sa akin ha, ang nagmamay-ari ng puso ni Kathryn ngayon ay walang iba kundi non-showbiz.”

Nagbigay pa nga ng clue ang TV host at talent manager na na-one on one interview na rin diyan niya ito.

Follow-up question ni Mama Loi, “Pero non-showbiz? Ang ini-interview mo naman kung hindi artista, ‘yung mga nagva-viral o kaya pulitiko. So alin sa dalawa?”

Ang sagot ni Ogie, “Politician. Batang politician!”

Isa pang ni-reveal ng TV host ay naging estudyante niya ito sa isang acting workshop.

Tila nalaman na ni Mama Loi kung sino ang tinutukoy ni Ogie kaya ang sabi niya, “Ay ‘yung gwapo!”

Wika naman ni Ogie, “Yes, si Mayor Mark Alcala ng Lucena City!”

Kung maaalala, naikuwento na ni Ogie last year na personal niyang minessage ang batang alkalde upang kumpirmahin ang kumakalat na chikang nanliligaw ito sa aktres, ngunit never itong sumagot.

“July pa ‘yun ha, so nanliligaw siguro ito –’yung mga panahon na nanliligaw siya,” saad ni Ogie.

Hirit naman ni Mama Loi, “Ah so last year pa. Eh kailan sila naging sila?”

Paliwanag ng showbiz insider, “Ang sabi sa akin ng source, it’s either November or December. Eh November 13 ipinalabas ang ‘Hello, Love, Again.’ So siempre kung ako si Mayor Alcala, hindi ako papasok sa eksena kasi KathDen ‘yun eh. Ito ‘yung kasagsagan pa ng showing, inabot ng isang buwan ‘yung showing…So tinanong ko ‘yung source ko, kung sila ‘yan, bakit hindi nabalita? Bakit walang mga pictures na naglalabasan na sila’y magkasama?”

“Sabi ng akong source, minsan si Mark daw ang lumuluwas sa Manila. Minsan naman daw si Kathryn ang pumupunta doon sa Lucena,” patuloy niya.

Gayunpaman, aminado si Ogie na nakakaduda ang nasagap niyang chika dahil walang resibo na nagkikita o nagkakasama ang rumored couple.

“Kaya ito hindi confirmed, basta ‘yan ang nakarating sa akin…Importante pa rin na sa kanila mismo marinig sana kung ano ang totoo,” ani ng talent manager.

Aniya pa, “Wala namang masama kung pareho namang single.”