Bukod kina Marian Rivera at Dingdong Dantes na pinarangalan bilang Phenomenal Box Office King and Queen para sa pelikula nilang “Rewind,” kinilala rin sina Alden Richards at Kathryn Bernardo bilang Box Office King and Queen para sa kani-kanilang pelikulang “A Very Good Girl,” at “Five Break Ups and A Romance”

Sa backstage ay inabangan namin sina Alden at Kathryn na lumabas para makatsikahan pero halatang umiiwas ang dalawa.
Unang lumabas si Alden na nagmamadaling sumakay ng kanyang sasakyan. Kasunod si Kathryn na nagpaunlak naman ng kaunting interview .
“I’m very grateful at nagpapasalamat ako sa Guillermo sa patuloy na pagbibigay ng award sa akin,” aniya.

Natanong namin si Kathryn kung totoong gagawa ba sila ng pelikula ni Alden?

“Wala pa naman, wala pa akong offer,” mabilis na sagot ng aktres na tila umiwas sa nasabing topic.

Pahabol na tanong ng isang reporter kung nanliligaw na raw ba si Alden sa kanya?

“Ahhhh! Ano ate? (sabay tawa) .” Umiwas ulit siya sa tanong. (Allan Sancon)