Parehong nagsimula at nabigyan ng flourishing careers sina Piolo Pascual at Kim Chiu sa ABS-CBN, kaya natanong sila sa inaasahang paggiba sa old main building ng ABS-CBN.

Ipinagbili ng ABS-CBN sa Ayala Land ang “30,000” square meters mula sa kabuuang 44,027.30 square meters na property ng dating broadcasting network, ayon sa ulat ng ABS-CBN.com noong February 2025.

Sa oras na ma-finalize ang kontrata ng bentahan ay maaaring simulan ang anumang plano ng Ayala Land sa nabiling lupa.

As early as 2023 ay naiulat ang tungkol sa hiwalay na negosasyon ng ABS-CBN sa ibang real estate company, na hindi natuloy noon.

“Siyempre masakit,” emosyonal na sabi ni Piolo nang tanungin ng entertainment press, kabilang ang PEP.ph (Philippine Entertainment Portal), tungkol sa isyung mawawala na ang old ABS-CBN building.

“Dito kami lumaki, ‘ba,” dugtong ni Piolo.

Naging bahagi si Piolo ng talent management arm ng ABS-CBN, ang Star Magic noong 1996 o 29 years ago.

Bilang homegrown artist ng ABS-CBN, segunda ni Kim, “Oo, ang daming nangyari dito sa building na ‘to.”

Si Kim ay homegrown artist ng ABS-CBN mula nang manalo siya bilang Big Winner ng Pinoy Big Brother Teen Edition 1 noong 2006 o 19 years ago.

Mami-miss man nila ang ABS-CBN old building, paniniguro ni Piolo, “But we carry it in our hearts.”

“Yes,” pagsang -ayon ni Kim kay Piolo, “Nasa puso namin yun and alam namin na nandiyan pa rin ang mga Kapamilya.”

PIOLO PASCUAL AND KIM CHIU ON 38TH STAR AWARDS

Samantala, big winners sina Piolo at Kim sa 38th Star Awards for Television ng Philippine Movie Press Club, Inc. (PMPC).

Ginanap ang awards night sa Dolphy Theater sa ABS-CBN compound sa Quezon City noong March 23, 2025.

Nagwagi si Piolo bilang Best Drama Actor para sa prime-time series na Pamilya Sagrado. Si Kim ang nanalong Best Drama Actress sa prime-time series na Linlang.

Ang Pamilya Sagrado at Linlang ay parehong prinodyus ng ABS-CBN at Dreamscape Entertainment. Content provider ng ABS-CBN ang Dreamscape Entertainment. Ka-collab ng network ang Prime Video sa Linlang.

Matapos ang awards night, nakausap ng PEP.ph (Philippine Entertainment Portal) sina Kim at Piolo na parehong masaya sa natamong recognition.

Sabi ni Kim: “Siyempre sobrang thankful po sa lahat ng bumubuo ng PMPC dahil nabigyan kami ng ganitong parangal. And then, na-validate po kami as actors and actress.”

Bulalas ni Piolo, “Wow! I’ve been around for quite some time, and earning something like this is really, you know, is really overwhelming. Kaya alam mo yung matutulog kang masaya ka, nakangiti ka.”

Ikinuwento ni Piolo na kasama niya ang kanyang ina, na bago pa man siya manalong Best Actor ay kinongratulate na siya.

“My mom said kanina, ‘Congratulations, Best Actor!’ Sabi ko, ‘Mom, hindi pa.’

“Pero you know, I’ll always be a best actor sa nanay ko, sa pamilya ko.

“And you know, this is such a compliment. Maraming-maraming salamat. Inspirasyon ba?”

ON TAKING ON DARING ROLES

Isang malaking hamon kay Kim ang pagtanggap niya ng role bilang Julianna sa Linlang.

First time niyang gumanap na bida-kontrabida sa isang serye, at ka-love triangle niya sina Paulo Avelino at JM De Guzman.

“Ano po, masarap po sa pakiramdam siyempre yung mga na binigyan ng mga ganitong parangal after po ng hard work.

“Yun nga, sabi nila, hard work paid off,” ani Kim.

Sang-ayon si Piolo na “maganda sa pakiramdam” na napapansin ang pinaghirapang trabaho.

“Kasi nga, siyempre nagpi-pay off yung paghihirap mo, pinaghihirapan.

“But at the same time, pag may ganito talaga nakakataba ng puso at nakaka-inspire to give more.

“And definitely, to be challenged para makagawa pa tayong mga artista katulad ng ginawa ni Kimmy, sa akin, sa Pamilya Sagrado.

“So, sana marami pang palabas ang magawa natin para mas marami pa tayong mapasayang tao.”