Usap-usapan na online ang celebrity na magiging bagong housemate sa Bahay ni Kuya para sa Pinoy Big Brother Celebrity Collab Edition.

Kasunod ng paglabas ng teaser poster tungkol dito, sunud-sunod na ang paghula ng netizens at viewers ng programa kung sino nga ba siya.

Bumuhos din ang iba’t ibang reaksyon tungkol sa housemate na ipakikilala na ni Kuya ngayong Martes ng gabi, March 18 sa episode na may hashtag na #PBBCollabHousemateReveal.

Base sa kanilang comments online, karamihan sa kanila ay nagsabing isa kina Belle Mariano, Sofia Andres, at Mariel Pamintuan ang bagong papasok sa Bahay ni Kuya.

May mga nagbanggit din ng pangalan ng former Unbreak My Heart star na si Bianca De Vera at vloggers na sina Zeinab Harake at Bea Borres.

Ang ilan naman ay naninindigan na si Ysabel Ortega ang tinutukoy na bagong housemate ni Kuya.

Sino nga kaya siya?

Samantala, ang kasalukuyang nasa loob ng iconic house ay ang Kapuso at Kapamilya stars na sina Michael Sager, Ashley Ortega, AZ Martinez, Will Ashley, Josh Ford, Charlie Fleming, Dustin Yu, AC Bonifacio, Esnyr, Brent Manalo, Klarisse De Guzman, River Joseph, Ralph De Leon, at Kira Balinger.

Huwag palampasin ang housemate reveal at non-stop na mga sorpresa sa bagong collaboration project ng GMA at ABS-CBN.

Mapapanood ang pinag-uusapang programa, weekdays 10:00 p.m. at weekends, 6:15 p.m., sa GMA, Kapuso Stream, GMANetwork.com, GMA Pinoy TV, Kapamilya Online Live, iWanTFC, at TFC.

Maaari ring silipin ang mga kaganapan ngayon sa loob ng Big Brother house sa All-Access Livestream ng programa.

Abangan ang iba pang detalye tungkol dito sa GMANetwork.com at iba pang social media platforms ng GMA at ABS-CBN.