Sa isang pambihirang pagkakataon, isang mahabang post ang ibinahagi ni Andre Paras sa Facebook ngayong araw, April 15, 2025, upang ipagtanggol ang kapatid na si Kobe Paras.

Nasa balita ngayon si Kobe dahil sa diumano’y hindi nila pagkakamabutihan ng girlfriend na si Kyline Alcantara.

ANDRE PARAS: “You’re trying to make my brother look like a bad person.”

Sa post ni Andre, sinamahan niya ito ng tatlong screenshots.

Una na rito ang profile ng content creator.

Pangalawa, ang isang Reel kunsaan naka-foreground ang kanyang mukha at may naka-superimpose na mga salitang, “Lifestyle na gusto niya.”

Makikita rin dito ang caption niya sa Reel na, “Life style niya parang nakawala sa hawla.”

Ang isa pang screenshot ay mga party pictures ni Kobe kunsaan may mga kasama itong barkada at babae.

Nakalagay sa caption niya (published as is), “So ito ang gusto mo sa buhay mo Kobe walwal lang nang walwal? With these guys at sino naman yang babae na Yan?”

Sinamahan din niya ito ng mga hashtags na “#KobeParas #Kobe #partyboy”

Malinaw na fan ni Kyline ang nasabing content creator.

Sa caption ni Andre, pinangaralan niya ang netizen.

Hindi raw dapat bigyang-malisya ang pagpunta ni Kobe sa bar.

Ani Andre (published as is): “Kobe is with his friends and he’s having fun. They are doing it in the right place and time. They are in a club. It’s legal to have fun and make noise there right?

“Magtaka po kayo kapag nag club ang isang tao tapos nag nagbabasa lang sila lang ng libro doon o kaya pumunta doon para lang matulog.”

Dagdag pa ni Andre, kung inaalala ng netizen ang “KyBe” o Kyline-Kobe love team, bakit ito pa raw ang nangunang mang-intriga kay Kobe.

Pinalalabas daw kasi ng netizen na puro party ang inaatupag ni Kobe.

Mahinahong dagdag ni Andre, “If you really cared about kybe then you will not be doing this at all this.

“I know what you’re trying to do

“You’re trying to make my brother look like a bad person.”

ANDRE PARAS ON THE LADIES SEEN WITH KOBE

Ipinunto rin ni Andre kung sino ang mga babaeng kasama ni Kobe.

Kung talagang “magaling silang mag-stalk,” sana raw ay inalam na rin daw ng netizen na ang mga babaeng kasama ni Andre ay “girlfriends” ng mga barkada ni Andre.

Sabi ni Andre (published as is): “Since magaling kayo mag stalk eh di dapat alam niyo yung mga kasama na babae dyan ay ang mga girlfriend ng mga friends ni kobe?” aniya.

Para kay Andre, ang nais lamang ng uploader ay gumawa ng isyu para magkaroon ng “clicks and views” para pagkakitaan.

Paninita pa ni Andre: “Pero of course di mo sasabihin sa followers mo yan dahil gusto mo gumawa ng issue.

“Issue = views

“views = monetary gains

“I understand how addicting it is to get views and comments on a social media post.

“But doing it this way? Nako po

“Using others name and private life for clicks and views?

“If you’re monetizing this then it will say a lot about what you’re trying to do maam.”

ANDRE PARAS DARES NETIZEN

Sa huli, iginiit ni Kobe na dinedepensahan niya lamang ang kapatid na si Kobe.

Pagtatapos ni Andre (published as is): “Don’t even try deleting the videos you’ve made or even blocking me. You’ll just be tampering with evidence.

“I’m his kuya and I have the right to stand up for him against people like you who only care about making him look bad.”

NETIZEN DELETES POSTS, APOLOGIZES TO ANDRE PARAS

Pagkatapos i-post ni Andre ang screenshots, biglang binura ng netizen ang kanyang posts.

Naglakas ng loob din itong humingi ng paumanhin kay Andre.

Komento ng netizen sa post ni Andre (published as is): “Hello po Andre, I’m sorry po sa mga na post, nasobrahan lang po akong affected I’m really sorry po.”

REAL SCORE BETWEEN KOBE PARAS, KYLINE ALCANTARA

Una nang pinabulaanan ng ama ni Kobe na si Benjie Paras ang ispekulasyong hiwalay na sina Kobe at Kyline.

Sa eksklusibong panayam ni Gorgy Rula ng PEP Troika nitong April 12, 2025, sinabi ni Benjie na “sila pa rin” bilang pagtukoy sa estado ng relasyon ng couple.

Magkasama pa nga raw sila kailan lamang sa isang inuman.