Naglabas ng bagong open letter si Kris Aquino para ipaliwanag ang hiwalayan nila ng ex-boyfriend na si Dr. Mike Padlan.

Kasabay nito ang paghingi ni Kris ng paumanhin sa pamilya ni Dr. Mike na naging malapit sa kanya.

Base ito sa Instagram post ni Kris ngayong Miyerkules, April 2, 2025.

Noong March 16, unang inihayag si Kris na hiniwalayan siya ni Dr. Mike dahil gusto umano nitong kumawala sa pag-aalaga ng nobyang may malubhang sakit.

Pagsusuma pa ni Kris: “He did not love me.”

DR. MIKE PADLAN’S SON ADDRESSES KRIS AQUINO

Kinontra iyon ng anak ni Dr. Mike na si Miguel Padlan.

Sa isang Facebook post noong March 19, naglabas ng saloobin si Miguel para depensahan ang ama.

Naniniwala si Miguel na totoong minahal ni Dr. Mike si Kris, lalo pa’t may mga bagay raw na isinakripisyo ang ama para kay Kris.

Bilang anak, inintindi raw ni Miguel at ng kanyang ibang kapatid ang mga pagkakataong bumabiyahe si Dr. Mike sa U.S. para bisitahin noon si Kris.

“It may hurt to admit that my siblings and I sometimes felt neglected by our father, but we understand—Mama Kris needed him, and we respected that,” diin ni Miguel

Kahit na minsan ay nauubusan daw ng pera si Dr. Mike at nawawalan ng pasyente ay pinipili raw nitong bisitahin si Kris sa U.S.

Sadyang nawala raw ang “spark” sa pagitan nina Kris at Dr. Mike kaya nauwi sa breakup ang relasyon ng mga ito.

Sabi pa noon ni Miguel: “All we ask is that she does not spread stories that are untrue.

“My father’s friends and patients know who he truly is, and they can attest to his character.”

Nilinaw rin ni Miguel na kailanman ay hindi nanghingi ng pera si Dr. Mike kay Kris.

KRIS AQUINO CLAIMS SHE DID NOT LIE ABOUT THE BREAKUP

Makalipas ang dalawang linggo, sa Instagram post ni Kris ngayong April 2, may sagot siya sa statement ng anak ni Dr. Mike.

Diin ni Kris, “I DO NOT LIE.”

Nanindigan si Kris sa pagsusuma niyang hindi kinaya ni Dr. Mike ang pagkakaroon ng nobyang may malubhang sakit.

Katuwiran ni Kris, “My last post was written by a still angry ex girlfriend who had felt, that even for her health care, she was unimportant and not a priority.”

Kinontra ni Kris ang sarili nang kumpirmahin niyang ilang beses siyang binisita ni Dr. Mike sa U.S., na labas sa obligasyon nito bilang doktor.

Late 2024 daw nang lumalim ang pagkakaibigan sa pagitan nila ni Dr. Mike.

Lahad ni Kris: “Dr. Padlan did go to Houston to check on me. My mistake is that I failed to state that he flew to LA around 4X more on his own volition.

“I didn’t ask for him to check on me, I would just be surprised that he’d be there.

“Those visits weren’t paid for, nag-abono pa nga siya.

“Doc Mike, I APOLOGIZE for NOT STATING THIS IN MY EARLIER POST.”

KRIS AQUINO ON MEETING DR. MIKE’S FAMILY

Ayon pa kay Kris, noong siya ay nasa U.S. ay nakilala niya ang ilang miyembro ng pamilya ni Dr. Mike.

Nakatira raw kasi ang mga kapatid ni Dr. Mike sa Bay Area.

May pagkakataong binisita raw si Kris ng younger sister ni Dr. Mike, at kasama raw ang batang pamangkin ni Dr. Mike na tinawag ni Kris na “Pokemon.”

Nang bumalik si Dr. Mike sa Pilipinas, nanatili pa raw sa bahay ni Kris ang pamangkin ni Dr. Mike na si Pokemon.

Tamang-tama raw na dumating naman sa U.S. ang mga anak ni Kris na sina Josh at Bimby.

Naging magkakaibigan daw sina Josh, Bimby, at Pokemon; at magkakasama pang namasyal sa iba-ibang theme parks noon.

Nang sunduin si Pokemon ng ina nito, inatasan pa raw ni Kris si Bimby na ipamili si Pokemon ng mga damit at laruan.

Ibinilin din daw ni Kris na bilhan ni Pokemon ng laruang iuuwi sa Pilipinas para kay “Lego.”

Hindi direktang sinabi ni Kris pero mahihinuhang kapamilya rin ni Dr. Mike ang tinukoy niyang si “Lego.”

 

KRIS AQUINO ON MEETING “LEGO”

Pag-uwi ng Pilipinas ni Kris, nagkaroon din daw siya ng pagkakataong makilala si Lego.

“Mama Kris” ang tawag ni Lego kay Kris.

Detalyadong lahad ni Kris: “Meeting ‘Lego’ when I got back was unfiltered joy. He talks nonstop and asks intelligent questions.

“He liked the Japanese flavored milk and every visit he’d say, ‘Mama Kris, can I have strawberry milk?’ I’d reply, ‘What’s the magic word?’

“‘Lego’ would think for a bit, then say, ‘PLEASE, Mama Kris?’ Like me he preferred vanilla cupcakes with milk chocolate frosting.

“Both ‘Pokemon’ and ‘Lego’ loved steak & shrimp/prawns just like Kuya & Bimb, who cooked often for ‘Pokémon’ while we were in OC.”

Pagkatapos ipunto ni Kris kung paano naging malapit ang loob niya sa ilang miyembro ng pamilya ni Dr. Mike, saka siya humingi ng paumanhin sa pagkakadawit ng mga ito sa hiwalayan nila ni Dr. Mike.

Ani Kris, sana raw ay mabasa nina Pokemon at Lego ang kanyang mensahe.

Kapansin-pansing hindi kasama si Miguel sa binahagian niya ng mensaheng ito.

Mensahe ni Kris: “Mama Kris is VERY SORRY for making you angry and sad because of what I posted.

“I was wrong in not considering the impact it would have on both of you. You both brought sunshine and laughter when I most needed it.

“I know I am no longer deserving to be your Mama Kris…

“BUT even if I had known things would end up this way—except for hurting the 2 of you, your mommy, and your Tita Judith—I would still have chosen to give loving one more attempt;

“I can say that, because I got the chance to love you.”

 

HAPPIER TIMES WITH Dr. MIKE padlan

Binalikan din ni Kris ang ilang masasayang alaala sa piling ni Dr. Mike.

“After a breakup, you do get a choice—what memories you will decide to keep.

“There’s already so much fear and loneliness in life—so I choose to keep the seemingly ordinary yet undeniably, happy moments,” ani Kris.

Isa raw rito ay ang pagmulat niya ng mata na ang una niyang nasilayan ay si Dr. Mike.

“I was sleeping soundly, still very weak when I opened my eyes, it was the face of Doc Mike I saw, worried and concerned—Bimb had gone out and my nurse on duty was taking a break.

“For the first time in years, seeing a man, a DOCTOR watching over me, I FELT SAFE,” balik-tanaw ni Kris.

Naging sandalan daw ni Kris ang dating nobyo.

Patuloy ni Kris: “Ours was a different kind of courtship. Long-distance relationship via WhatsApp, we were in Orange County, California, so technically he was no longer a doctor.

“In him I saw what I had been looking for—someone I could discuss my medical issues with—my feeling of fatigue, my lack of balance, my suffering from suddenly getting dizzy then collapsing, the significance of my blood draw results, especially my alarmingly low hemoglobin, the bones jutting out of my knee, and why had my taste buds changed, everything by Thanksgiving of 2023-tasted very salty.

“I totally lost my appetite and was surviving with 4 mugs of milk a day.”

Sa paglalarawan ni Kris, naging mabuting kasintahan si Dr. Mike sa kanya.

“My other favorite moments: Doc Mike cooking bulalo for us (the best i’ve tasted); seeing him slicing beef perfectly (he’s a surgeon after all); and me giving an impromptu cooking class, on how to make Filipino style spaghetti with Doc Mike saying, ‘Tama ang balita, masarap nga ang spaghetti by Kris Aquino.’”

Kung sa pagsusuma ni Kris ay naging masaya siya sa piling ni Dr. Mike, ibinahagi rin niya kung bakit nauwi pa rin sa breakup ang relasyon nila.

“What really went wrong—many things,” patuloy na lahad ni Kris.

“I honestly believed that finally—I was going to have my HAPPILY EVER AFTER.

“I expected too much…

“As my autoimmune diseases multiplied, the more he retreated.”

Hanggang sa tuluyan daw siyang sinukuan ni Dr. Mike.

“After a very stressful time when we returned home, I forgave and I fought hard for our relationship, while he couldn’t forget and gave up on us,” ani Kris.

Sabay kabig din niya, “Nobody should be blamed, I’m not ashamed to admit, I was the one who loved and needed more.”

KRIS AQUINO ON DR. MIKE AS HER DOCTOR

Sa kabilang banda, ibinahagi rin ni Kris ang aniya’y naunang doctor-patient relationship nila noon ni Dr. Mike.

May 2022 daw nang kunin niya ang serbisyo ni Dr. Mike bilang “travel doctor.”

Iyon yung panahong unang umalis si Kris mula Pilipinas papuntang U.S. para ipagamot ang kanyang autoimmune diseases.

Sabi ni Kris, “Dr. Mike Padlan wasn’t the doctor who accompanied me on the flight to Houston.

“Yet I didn’t ask for a refund.”

Hindi naman sinabi ni Kris kung bakit di natuloy si Dr. Mike na samahan siya noon sa paglipad sa U.S.

Sabay ipinaliwanag ni Kris ang diagnosis ni Dr. Mike noong nagpatingin siya rito bilang doktor.

Aniya (published as is): “I am very grateful he was the one who diagnosed my Shingles.

“Shingles together with what was then 4 diagnosed autoimmune diseases and another 1 clearly exhibiting symptoms but still negative in my tests + a patient allergic to all fever reducers including paracetamol, NSAIDS, Opioids, and Steroids makes it very difficult for even the best doctors in the Philippines, Singapore, and the US to treat me for all that ails me.”

KRIS AQUINO ON SENDING FINANCIAL HELP FOR DR. MIKE

Sa huling bahagi ng IG post ni Kris, sinagot niya ang ilang pahayag ng anak ni Dr. Mike na si Miguel.

Partikular dito ang inihayag ni Miguel na isa sa mga sakripisyo ni Dr. Mike noon ay ang pagbisita nito kay Kris sa U.S. kahit na walang pera ang doktor dahil nawawalan ito ng pasyente.

Sabi ni Kris: “Doc Mike did have financial problems last year, but it’s unjust to blame that on me.

“I am also not in a position to say why these hardships occurred—I only hope that those who love and wish to defend him realize this valid point, when a man needs help—what man would want a handout from his sick girlfriend?

“He was distraught, from what I know August when he and ‘Pokémon’ flew home, his asthma and flu were ferocious.

“I offered my help and he thanked me.”

Boluntaryong nag-wire daw si Kris ng pera kay Dr. Mike noon.

Lahad niya: “When making a bank to bank fund transfer you are required to say for what purpose.

“To set the record straight from August 21 to August 28, 2024, Alvin upon my instructions, had funds transferred to Doc Mike’s personal account from 3 of the banks we have placements in.

“It was sizable enough that’s why I want to thank Bimb for his trust and generosity— roughly half of the money labeled as for professional services rendered in preparation for flight home, and as travel doctor for flight back to the Philippines etc., came from the joint account Bimb & I share…

“I asked Bimb’s permission before Alvin made the online fund transfers.

“Bimb did not hesitate—he said, ‘SURE Mama, it’s good we can help.’”

Ang “Alvin” na tinutukoy ni Kris ay ang kanyang chief of staff na si Alvin Gagui.

Walang kumpirmasyon mula kay Dr. Mike tungkol sa halagang boluntaryong itinulong sa kanya ni Kris.

KRIS’S MESSAGE TO DR. MIKE’S SON MIGUEL

Pagkatapos ng kanyang mahabang eksplanasyon, direktang tinukoy ni Kris ang anak ni Dr. Mike na si Miguel.

May disclaimer si Kris na bersiyon lamang niya ito ng kuwento nila ni Dr. Mike.

Pero malaman ang tirada ni Kris sa aniya’y maling mga alegasyon ni Miguel.

“Please notice—I spoke only for myself, I cannot speak for Doc Mike.

“BUT I do accept and understand that I loved him much more than he was capable of loving me.

“Miguel, when I read what you wrote, instantly I reminded myself dapat hindi pumatol ang nanay sa anak.

“Freedom of Speech should be upheld in a true DEMOCRACY.”

Matatandaang may pakiusap si Miguel kay Kris: “All we ask is that she does not spread stories that are untrue.”

“My father’s friends and patients know who he truly is, and they can attest to his character.”

Buo ang paniniwala ni Miguel na minahal ng kanyang ama si Kris.

Ayon kay Kris, mukhang hindi raw alam ni Miguel ang buong pangyayari sa pagitan ni Kris at ni Dr. Mike.

Pahayag ni Kris: “I only defended my factual truth, because right now for me it matters.

“And I refuse for my dad & mom plus my brother in heaven to be discussing: ‘What happened to Kristina? She was accused of lying at pinabayaan na lang niya? Where’s the girl who always fought in the name of honor?’

“I took the time to respond to your statements directly.

“Umasa pa rin ako that you didn’t know everything.

“So your statements came from not having seen the entire picture.

“I have receipts BUT why will I, in proving your allegations wrong, make people see who really is telling the truth.

“I did promise to be Mama Kris come what may.”

Hindi malinaw kung ano ang sinasabi ni Kris na maling alegasyong ni Miguel, liban sa paninindigan ni Miguel na minahal nang totoo ni Dr. Mike si Kris.

Sinabi naman ni Miguel sa Facebook niya noong March 19 na nagbigay nga ng “financial support” at “presents” si Kris kay Dr. Mike, pero ang mga iyon ay boluntaryong ibinigay ni Kris at hindi hiningi ni Dr. Mike.

Base sa kuwento ni Kris, kinumpirma niyang ilang beses nga siyang binisita ni Dr. Mike sa U.S.—na tugma sa sinabi ni Miguel na bumibisita si Dr. Mike sa U.S. noong magkarelasyon pa ang couple.

Nananatiling bukas ang PEP sa anumang pahayag ng mga personalidad na nabanggit sa artikulong ito.