Ang duo nina AC Bonifacio at Ashley Ortega o ACLey ang kauna-unahang evictees ng Pinoy Big Brother (PBB) Celebrity Collab Edition.

Nangyari ang eviction ngayong Sabado ng gabi, March 29, 2025.

 

Nakaligtas naman mula sa eviction ang kapwa nila nominees na sina Ralph de Leon at Michael Sager o RaMi at sina Will Ashley at River Joseph o WilVer.

Unang inanunsiyong ligtas mula sa eviction ang duo nina Michael at Ralph.

Kasunod nito ay pinapunta sa eviction room ang duo nina Wil-River at AC-Ashley para alamin kung sino sa kanila ang mananatili at kung sino ang lalabas sa bahay, base sa resulta ng isinagawang botohan ng publiko.

Inanunsiyo ng host na si Bianca Gonzalez na ligtas sina Will at River, na nangangahulugang evicted sina AC at Ashley.

Naging emosyunal ang dalawang evictees, lalo na si AC, nang marinig ang resulta.

ac ashley pbb evictees
AC Bonifacio and Ashley Ortega after hearing that they have been evicted from the PBB house. 

Photo/s: GMA Network

Ipinakita rin ang tally of votes na nakuha ng bawat duo mula sa kanilang mga tagasuporta.

Ang duo nina Michael at Ralph ay nakakuha ng 45.89% ng mga boto, na sinundan nina Wil at River na nakakuha ng 36.87% .

Malayo naman ang botong nakuha nina AC at Ashley na umabot lamang ng 17.25%.

PBB tally of votes
The duo of AC Bonifacio and Ashley Ortega only got 17.25%. 

Photo/s: YouTube (ABS-CBN Entertainment)

AC AND ASHLEY OUT, MICHELLE DEE IN

Nang salubungin ng PBB hosts sina AC at Ashley sa labas ng Bahay ni Kuya, nakita ang emosyunal na yakapan ni Ashley at ng boyfriend niya at PBB online host na si Mavy Legaspi.

Ashley Ortega and Mavy Legaspi
PBB host Mavy Legaspi gives girlfriend Ashley Ortega a tight hug after the eviction. 

Photo/s: YouTube (ABS-CBN Entertainment)

Kasunod ng paglabas nina AC at Ashley sa Bahay ni Kuya ay ang pagpasok naman ng bagong PBB house guest na si Michelle Dee.

Michelle Dee
After the eviction Michelle Dee was introduced as the new PBB house guest. 

Photo/s: YouTube (ABS-CBN Entertainment)

Bukas, Marso 30, ay may dalawang bagong housemates na papasok sa Bahay ni Kuya — isang Kapuso at isang Kapamilya.