Sa isang private resort na naninirahan ngayon si Kris Aquino sa gitna ng pagpapagamot niya dahil sa kanyang autoimmune diseases.

Ito ang ibinalita ng malapit niyang kaibigan at dating entertainment editor na si Dindo Balares sa Instagram nitong nakaraang June 14, 2025.

Nakasama ni Dindo si Kris sa loob ng sampung araw sa tinutuluyang private resort ng TV host-actress.

Kalakip ng post ang larawan ni Kris na nakaupo sa kama.

Kapansin-pansin ang kapayatan ng pangangatawan nito.

Kris Aquino’s latest picture as shared by her close friend Dindo Balares. 
Photo/s: Instagram

Ayon kay Dindo, ito ang mensahe sa kanya ni Kris: “Nakita mo na ang kalbaryo ko, Kuya Dindo.”

Lahad pa ng dating entertainment editor: “Ito ang marahan at mahinang sabi ni Kris habang nakahiga at inaalalayan ko siyang maiayos ang lapat ng kanyang ulo sa unan.

“Nasa gitna kami ng isa sa aming mga pag-uusap nang samahan ko siya for 10 days sa kanyang paninirahan sa private resort ng kanyang generous at maalagang family friends.

“Marami kaming mga napagkuwentuhan, at humingi ako ng permiso na isulat at i-share sa kanyang loyal followers pati na pictures. Pumayag si Krisy.”

Photo/s: Instagram

KRIS AQUINO MISSES HER OLD SELF

Sa Instagram post naman ni Dindo kahapon, June 17, ibinahagi niya ang sinabi ni Kris na nami-miss na nito ang dating sarili na biba, energetic, at puno ng saya.

Aniya: “May happy moments din sa bonding namin ni Kris Aquino nang dumalaw ako sa kanyang tinitirahang beach resort.

“Cute ang ngiti ni Kris habang may pinapanood sa celfone pagsungaw ng mukha ko sa pintuan ng room niya, para sabihing luto na ang ipinaglambing niyang chicken curry.

“May nagpadala pala sa kanya ng viral video ni Sen. Ronald ‘Bato’ de la Rosa na binabanggit nitong, ‘I am not a lawyer, nag-iisip lang. I am just guided by the Holy Spirit.’

“Dinugtungan ito ng lumang clip na sinasabi naman ni Kris na, ‘I’ll wait for the Holy Spirit to guide me. Idinamay ko pa ang Holy Spirit!’ Sabay tawa sa sarili.

ADVERTISEMENT – CONTINUE READING BELOW ↓

“Aliw na aliw si Kris, at nakakahawa ang masayang reaction niya sa video. Pinag-usapan namin ang spontaneous na pagtawa niya sa sarili.”

Photo/s: Instagram

Hanggang sa makauwi na si Dindo ay tuloy pa rin daw ang pag-uusap nila si Kris.

Sa isang punto, sinabi raw ni Kris sa kanya kung ano ang ipinagkaiba niya sa lahat.

ADVERTISEMENT – CONTINUE READING BELOW ↓

Mensahe raw sa kanya: “You were asking me what I believe sets me apart—it’s because I can laugh at the weirdest things that come popping out of my mouth. When you can laugh at yourself, winner ka na because having the ability to take life and all its quirks is what keeps one from getting too full of herself. My mom and dad had that. And thank God I also inherited it.”

Napagtanto rin daw ni Kris na miss na miss na nito ang dating sarili kumpara sa kung gaano na-miss ng mga tao ang isang Kris Aquino.

Pagbabahagi ni Dindo: “This morning, bitter-sweet na ang aming usapan: ‘I read the comment of the one who posted Sen. Bato and interspersed it with me saying I’ll wait for the Holy Spirit to guide me.’

“‘The one who uploaded said: Nakaka-miss si Krisy.

“‘Tinamaan ako, kuya Dindo. People do not realize how much I miss the old me… But I am human and it hurts so much.’”

ADVERTISEMENT – CONTINUE READING BELOW ↓

Photo/s: Instagram

Patuloy pa ring nagpapagaling si Kris, na sa huling bilang ay may siyam na autoimmune diseases na ginagamot.