Naging malapit si Dingdong Dantes kay Ricky Davao dahil sa ilang proyektong pinagsamahan nila sa Kapuso Network.

Higit na naging malapit sila sa isa’t isa nang magkasama sa “Alternate,” isang episode ng I Can See You ng GMA-7 noong 2021.

Nakapanayam ng PEP.ph (Philippine Entertainment Portal) si Dingdong sa burol ni Ricky sa Heritage Park sa Taguig City noong May 5, 2025.

Balik-tanaw ni Dingdong: “Although matagal ko na siyang nakakatrabaho, in Dyesebel [2008], in several teleseryes, pero siyempre pag locked-in [taping] nakakapag-bonding talaga kayo.

“Dun ko talaga siya mas nakilala, mas na-appreciate, hindi bilang isang co-actor kundi bilang human being na talagang tinitingala.”

Ano ang pinag-uusapan nila?

→ Swipe to see more articles

Related Posts

ALDEN RICHARDS NAPA-SIGAW SA KILIG! Nagpaka-FAN BOY kay TOM CRUISE – “Parang MISSION IMPOSSIBLE ang Makita Siya!”

BREAKING! Alden NAGTAKSIL kay Kathryn! MARAMI ANG NAGAGALIT NGAYON

OMG! KATHRYN BERNARDO VS. ANDREA BRILLANTES: Net Worth, Awards, Comparison, Biography, at Filmography

INTERNET NAWINDANG! 👑 KATHRYN AT NADINE SA KAUNA-UNAHANG COSMO COVER NILA—FANS HINDI NA MAKAHINGA SA ‘QUEENS IN ONE FRAME’ MOMENT

KIM CHIU AT PAULO AVELINO, TODO ENJOY SA LUXURY HOTEL TRIP NA GINASTUSAN NI VICE GANDA—MAY SIKRETONG CELEBRATION?

CLAUDIA BARRETTO UMALMA AT BIGLANG NAG-UNFOLLOW KAY GERALD ANDERSON—BAKIT GALIT NA GALIT SIYA SA HIWALAYAN NILA NI JULIA? 😱💔

Sagot ni Dingdong: “Anyhthing about life—adobo recipe, kung saan may masarap na kape, yung mga ganung bagay lang.

“Always good vibes si Tito Ricky. Alam niyo naman ang kanyang chinito smile, e, talagang innate sa kanya. He brings such positive vibes in every room he steps in.

“Grabe yung presence niya sa bawat performance, entablado man yan o TV o kahit sa likod ng kamera.

“Iba talaga yung energy na binibigay niya sa lahat ng tao kaya hinding-hindi namin siya malilimutan.”

DINGDONG DANTES MORE FOND MEMORIES OF RICKY

Kung may natutunan man siya kay Ricky, ano iyon?

“Mahirap siguro yung isang salita lang na payo, kasi I think he led by example,” pagbabahagi pa ni Dingdong.

“Kung ano yung buhay niya, kung ano ang ginagawa niya para sa pamilya niya, kung paano siya makitungo sa tao.

“Yun ang forever na tatatak sa iyo. Talagang yung action niya speaks louder than words.

“Ang pinakamahalaga sa lahat, kung paano siya naging isang mabuting tao sa mga tao na nakapaligid sa kanya, lalo na sa kanyang mga katrabaho.”

Saksi rin daw si Dingdong sa trademark ni Ricky na stage performer kahit off cam.

“Not once, pero siguro mga tatlong beses. Mahiyain ako, di ko kakayanin yun, saka di pa kami magkakilala nun.

“Pero from afar, I already knew na this guy really is something. Whenever he’s on stage, he exudes yung presence niya, good vibes sa kahit na anong entablado.

“Sabi ko, ‘Balang araw sana makatrabaho ko siya.’”

Kaya raw masaya si Dingdong na natupad iyon.

“Nung nagkatrabaho na kami, siyempre intimidating kasi napakagaling na aktor.

“Pero hindi, e. Iba ang pagpapahalaga sa iyo. Sasabihin sa iyo, ‘Relax.’

“Bibigyan ka ng tips, at the same time, madadala ka talaga sa husay. Yun talaga ang mami-miss ko sa kanya.”

Dingdong shows photo of estranged couple Ricky Davao and Jackie Lou Blanco who played as his parents in a GMA-7 show. 
Photo/s: Dingdong Dantes Facebook

DINGDONG DANTES ON RICKY’S ILLNESS

Limang buwang nakipaglaban si Ricky sa cancer. Matagal itong na-confine sa ospital bago ito inuwi ng bahay kunsaan binawian ito ng buhay noong May 1.

Ayon kay Dingdong, hindi na siya nakadalaw kay Ricky noong panahong may sakit ito.

“Siyempre katulad ng lahat, nakakabigla yung balita, although alam naman namin na nasa hospital siya.

“Di lang namin alam kung nakauwi na ba siya o hindi. Nung nabalitaan namin, siyempre nakakalungkot na di namin nadalaw.

“May mga times na nangyari na papunta na ako biglang pinagbawal kasi in case na di puwede talaga. Timing ba, di talaga na-timing.”

DINGDONG DANTES ON ACCESS TO HEALTHCARE

Magkakasunod ang pagpanaw ng ilang icons sa entertainment industry—si Pilita Corrales noong April 12, si Nora Aunor noong April 16, si Hajji Alejandro noong April 21, at pati na si Ricky.

Bilang chairman ng AKTOR PH, inihayag ni Dingdong ang kahalagahan ng kalusugan.

“Definitely [we need] to be more proactive pagdating sa pangangalaga ng kalusugan.

“That’s why we’re investing heavily sa ating mga programang pangkalusugan, halimbawa, ng pag-i-ensure na every year mayroon talaga tayong medical check-ups.

“Yun talaga ang i-instill natin sa bawat member natin kasi, siyempre bago pa dumating sa kahit anumang sakit, gusto natin ma-prevent siya,” paliwanag ni Dingdong.

Dugtong niya, “I mean, these things [death], wala talaga tayong kontrol.

“Ang puwede lang nating maibigay ay yung access sa healthcare, sa mga bagay na pupuwedeng mag-prevent sa ganitong mga bagay in the future.

“But again, nasa kamay na Niya yun, wala sa atin.”