Bumuhos ang pakikiramay sa Instagram post ng comedienne na si Rufa Mae Quinto nitong Huwebes ng umaga, July 31, 2025.
Ang tanging post ni Rufa Mae ay limang larawan nila ng estranged husband niyang si Trevor Magallanes at ang kanilang anak na si Athena.
Walang caption na inilagay ang aktres.
Read: ABS-CBN’s Kat Domingo unfairly accused of throwing shade at GMA’s Nico Waje
Ngunit sa comments section ng kanyang post ay mababasa ang sunud-sunod na mensahe ng pakikiramay mula sa mga kaibigang celebrities ni Rufa Mae at pati na netizens.
Mensahe ni Maxene Magalona: “Sending you so much love. I’m so sorry for your loss.”
Ayon naman sa singer na si Jaya: “I don’t know what to say…please read my dm…”
Maikli ring mensahe ni Alessandra de Rossi: “Love you [praying hands emoji]”
Sabi naman ni Candy Pangilinan: “Mahigpit na yakap.”
Ito ang iba pang mga komento ng celebrity friends ni Rufa Mae:
ADVERTISEMENT – CONTINUE READING BELOW ↓
Sunshine Cruz: “My deepest condolences to you sis Pichi”
Rico Gutierrez: “Condolences Peachy”
Christine Bersola: “yakap na mahigpit Peachy…”
Daniel Matsunaga: “condolences Ruffa…”
Jef Gaitan: “Ate Praying for comfort and peace.”
Dahil wala ngang caption ang post ni Rufa Mae ay may nagtanong, “Sino namatay?”
Curious din ang ibang netizens kung bakit nagko-condolence ang ilan kay Rufa Mae.
Base sa ulat ng ilang news outlets, kumpirmadong pumanaw na si Trevor.
Bagamat may mga lumalabas na espekulasyon tungkol sa kanyang pagpanaw, wala pang opisyal na pahayag mula kay Rufa Mae at sa pamilya ni Trevor.
RUFA MAE ON BREAKUP WITH TREVOR
Hindi lingid sa kaalaman ng marami, hiwalay na sina Rufa Mae Quinto at Trevor Magallanes.
Ngunit nilinaw ni Rufa Mae sa panayam sa kanya ni Boy Abunda sa Fast Talk With Boy Abunda noong January 17, 2025, na walang nag-file sa kanila ni Trevor ng divorce.
Bahagi ng pahayag ni Rufa Mae: “E, kung ayaw na rin naman niya, bakit ko hindi rerespetuhin yon?
“Pero yung legalities, yung mga file-file ng divorce, walang nag-file…
“So, ayoko munang mag-file sa mga divorce-divorce, annulment din.
“Dito rin naman kami kasi ikinasal sa Pinas so… hindi ko na alam ang gagawin.
“Masyadong masakit pa, tapos may anak din kami na nagsabi, ‘When our family will be together?’ daw.
“Sabi ko na lang ano, wala, e, ang hirap sagutin di ba?”
Mataas din daw ang respeto ng aktres kay Trevor dahil hindi siya nagsalita ng masama laban sa mister niya.
Saad ni Rufa Mae: “Bilang asawa, siyempre inaantay ko lang na maging klaro kami. Mag-usap kami, kung totoo ba talaga yan ang nararamdaman niya.
“Kasi lagi nga rin akong wala so baka feeling lambingan na muna. Makiusap, ‘Pasensya na, I’m here.’
“Siyempre pagod ako. Palagi akong wala.
“Siyempre, there’s always two sides of the story, pero naiintindihan ko rin na hindi naman puro ako lang ang tama.
ADVERTISEMENT – CONTINUE READING BELOW ↓
“Siyempre, siya rin naman, may reason din.
“Pero tinatanggap ko na we’re going through something.”
Sa kabila ng problema sa kanilang pagsasama bilang mag-asawa, kinikilala ni Rufa Mae ang kabutihan ni Trevor bilang asawa at ama.
“Mabuti siyang ama, mabuti rin siyang asawa, kaya lang hindi siya artista. Ayaw niyang matsismis, ayaw niya yung pinag-uusapan.
“Tahimik siya, very private kasi. Siyempre nasasaktan siya kapag maraming nagsasabi na dahil sa pera.
“Sabi nga niya, ‘Ang dami-dami kong ibinigay sa yo.’
“E, wala naman akong sinabi. Sabi ko, ‘Kung may nagsasabi nun, ibang tao.’
“Pero kinaklaro ko, hindi kami nagkakagulo dahil sa mga kaperahan kasi magna-nine years na rin kami.
“Kung may problema kami sa pera, e, di nag-aaway kami, pero hindi yon.
“Baka siguro ayaw na niya. Hindi ko alam, e, pero mag-file dapat siya, di ba?”
