Ivana Alawi

PROUD na ibinandera ng sexy actress at vlogger na si Ivana Alawi na naging “sugar mommy” din siya noon sa ilang lalaki na naka-date niya.

Sey ng Kapamilya star, talagang sobrang naging mapagbigay siya sa mga guys to the point na siya ang gumagastos lahat kapag nagde-date sila.

Aminado si Ivana na baklang-bakla rin siya noon pagdating sa pakikipagrelasyon dahil todo-bigay talaga siya ng pagmamahal pati na ng mga materyal na bagay.

Sa guesting ng aktres sa Wednesday episode ng “Fast Talk with Boy Abunda”, ni-reveal nga niya kung paano siya “nabudol” ng ilang guys na naka-date niya in the past.

“Tito Boy, ito po ah, hindi ko nilalahat ang artista. Alam ko maraming mabait diyan at alam ko maraming iba. Pero, opo, proud sugar mama ako, baklang-bakla ‘to!” chika ni Ivana.

“Pero hindi, hindi ko pa naging dyowa. ‘Yun nga eh, ‘yun yung masama. Pero, okay naman ako kasi mapagbigay talaga ako. Mapagregalo ako,” aniya pa.

Naloka nga raw ang dalaga nang magparinig sa kanya ng mga branded na gamit ang isang artistang naka-date niya pero ayaw na niyang i-reveal ang identity.

“Nanghingihingi ng watch, tapos mga regalo. Parang, ‘Ang ganda ng watch na ito ‘no?’ Titingin-tingin ka pa sa akin, ano akala mo, bibilhan kita?

“Tapos ‘yung mga, ‘Sa ‘yo ba ito galing, ‘yung branded na paper bag?’ Sabi ko, ‘Hindi. Hindi ako bibili ng branded na paper bag. Hindi pa nga tayo, bibilhan kita?’” ang nalolokang chika pa ni Ivana.

At noong nagde-date pa lang daw sila ay siya pa ang madalas nagbabayad, “Tapos mga hotel, lahat ako nagbabayad. Tapos ‘yung dinner, ako rin. Ano ito? Pati wine namin, lahat ako!”

Pero ang talagang ikinaloka niya ay nang makihati pa ang guy sa nilalantakan niyang hotdog.

“Tapos ‘yung pinakamasama ‘yung loob ko, hotdog na nga lang. Mahilig ako sa hotdog, ‘yung may sandwich ha!

“Tapos, siyempre kaya ko ubusin ‘yung isa kasi gutom ako. Hinatihan pa ako kasi daw kulang ng budget. Bakit? Anong hotdog, hotdog ko ‘to! Masama po talaga loob ko roon. ‘Yung hotdog ko po hinatihan pa,” ang sey pa ng dalaga.

Tungkol naman sa mga non-showbiz na naka-date niya noon, “‘Yung dati naman, ‘yung ex, ex na parang landian and all, more on mga pagkain, gas, ganiyan, pera, pang-allowance. O, ‘di mo kaya, allowance! Hindi naman siya ganu’ng kaguwapo.

“Akala ko kasi mapuputulan siya ng kuryente. Akala ko may mangyayari sa kaniya ‘pag ‘di ko nabigyan ng allowance,” aniya pa.

“Hindi naman monthly, ha. Minsan minsan lang, mga every three months. ‘O babe, ubos ‘yung pera ko.’ ‘O ito,’” pambubuking pa ni Ivana sa sarili.

Hanggang sa, “Na-realize ko maganda naman ako. Hindi naman ako chaka. At saka na-realize ko bagets naman ako, hindi naman ako matanda.

“Parang, bakit mo ko pineperahan? Pero dapat hindi mo rin peperahan ang mga matatanda. Dapat in general, huwag ka na mamera Nasa relasyon ka para sa pag-ibig, hindi para sa pera,” ang pagbabahagi pa ni Ivana.