Isa ka rin ba sa mga tagahanga ng Bubbly Breadteener ng Cagayan De Oro at Sparkle star na si Charlie Fleming?

Patuloy na pinag-uusapan online ang ex-PBB housemate at Sparkle star na si Charlie Fleming.

Sa comments ng Pinoy Big Brother Celebrity Collab Edition housemates, mababasa na talaga namang bumilib ang viewers at fans sa positive attitude ni Charlie bago siya lumabas sa Bahay ni Kuya.

Related gallery: Meet the Kapuso, Kapamilya housemates of ‘Pinoy Big Brother Celebrity Collab Edition’

Marami ang nakapansin sa pagiging kalmado niya sa ilang mabibigat na eksena sa ikalawang eviction night ng teleserye ng totoong buhay.

Bukod dito, inalala rin ng viewers ang maayos na pag-uugali ni Charlie noong kasama pa niya ang kaniyang fellow celebrity housemates.

Karamihan pa sa kanila ay tila nanghihinayang na hindi na niya maipagpapatuloy ang kaniyang journey sa iconic house.

Samantala, maaga mang nagpaalam sa Pinoy Big Brother, hindi maikakaila na patuloy siyang nakatatanggap ng mainit na suporta mula sa kaniyang fans at followers sa social media.

Nakilala si Charlie sa programa bilang Bubbly Breadteener ng Cagayan De Oro.

Ang Hopeful Belle ng Cavite na si Kira Balinger ang kaniyang ka-duo bago siya ma-evict sa Pinoy Big Brother Celebrity Collab Edition.

Matatandaang bago sila Charlie at Kira, una nang lumabas sa Bahay ni Kuya ang duo na sina Ashley Ortega at AC Bonifacio.

Mapapanood ang hit teleserye ng totoong buhay, weekdays 10:00 p.m. at weekends, 6:15 p.m., sa GMA, Kapuso Stream, GMANetwork.com, GMA Pinoy TV, Kapamilya Online Live, iWanTFC, at TFC.

Maaari ring silipin ang mga kaganapan ngayon sa loob ng Big Brother house sa All-Access Livestream ng programa.

Abangan ang iba pang detalye tungkol dito sa GMANetwork.com at iba pang social media platforms ng GMA at ABS-CBN.