Binalikan ng netizens ang dating komento ng kapwa nila netizen sa bagong engagement post ng club disc jockey na si Jellie Aw sa Instagram.

Matatandaang ibinahagi ni Jellie ang engagement proposal ng fiancé na si Jam Ignacio sa social media noong November 12, 2024.

Sa nasabing post, nagpasalamat si Jellie dahil kasabay ng kaarawan niya ay ang sorpresa naman ni Jam na proposal sa kanya.

Kaya labis-labis ang kaligayahang kanyang nadarama.

NETIZENS RESURRECT COMMENT OF JELLIE AW ABOUT “WAIT MO”

Sa nasabing post ni Jellie Aw noong November 2024, may isang comment tungkol sa relasyon nina Jellie at Jam.

Hindi pa rin niya binubura ang nasabing post.

Ayon dito, “maghihiwalay din kayo hahahahaha”

Tugon ni Jellie, “cge wait mo ha [laughing emojis]”

Matapos lumabas ang balitang binugbog siya ni Jam noong February 13, 2025, muling inungkat ng netizens ang nasabing komento ni Jellie.

Sunud-sunod ang komento ng maraming netizens dito noong nakaraang linggo.

Narito ang ilan sa kanila:

Pero palaban pa rin si Jellie.

Komento ng isang netizen noong nakaraang linggo, “Deserve mo mabubog teh kasi ang yabang mo. Karma is real!”

Buwelta ni Jellie, “ikw dpa nabubugbog muka ng na bugbog baks hahaha”

Samantala, ipapatawag na ng National Bureau of Investigation (NBI) si Jam.

Ayon sa ulat ng ABS-CBN News noong February 17, sinabi ni NBI Director Jaime Santiago, “During that time na kakaganap lang ng krimen, papasok pa sa hot pursuit. Pero at this point in time, isu-subpoena na lang siya ng aming VAWCD na pumunta rito, sumurrender, magbigay ng statement.”

Ito ay kasunod ng paglapit ni Jellie sa ahensiya noong Biyernes, February 14, 2025.

Ipinaalam ni Jellie ang pambubugbog sa kanya ni Jam sa social media noong February 12, 2025.