Tinuligsa ni Barbie Imperial ang kanyang pagiging buntis at nagsalita siya tungkol sa dahilan.

Barbie Imperial: “Mga oragon patabang pls”
Barbie Imperial denounces fake news
Barbie Imperial cries foul over fake news saying that she’s pregnant with Richard Gutierrez’s baby.

PHOTO/S: Courtesy: Instagram / Facebook

Pinalagan ni Babrie Imperial ang isang Facebook page na nagsasabing buntis siya.

At ang ama raw ng dinadala niya ay ang nali-link sa kanya ngayong si Richard Gutierrez.

Ayon sa naturang post, umamin na si Barbie kay Boy Abunda na siya ay nagdadalantao. At magiging “tatay” na raw si Richard.

Nakasaad sa caption ng post, “Barbie Imperial UMAMING BUNTIS sa Unang Pagkakataon! Richard Gutierrez TATAY NA!”

Saad naman sa graphics: “Barbie UMAMIN NA!”

Sabi raw ni Barbie kay Boy, “Yes Tito Boy, MAGKAKABABY na kami ni Richard”

Fake news about barbie imperial

BARBIE IMPERIAL: “THIS PAGE IS POSTING LIES…”

Hindi ito pinalampas ni Barbie.

Sa pamamagitan ng kanyang verified Facebook account na may 14 million followers, kahapon, June 27, 2024, sinabi ni Barbie na kasinungalian ang lahat ng ito.

Ipinare-report din niya ang nasabing Facebook page.

Sabi ng Kapamilya actress, “This page is posting lies and things that I never said. Please report.

“Report Showbizfinds

“Mga oragon patabang pls”

RICHARD GUTIERREZ-BARBIE IMPERIAL LATEST SIGHTINGS

Samantala, wala pang pahayag si Barbie kaugnay ng espekulasyong may namamagitan sa kanila ni Richard.

Ilang beses nang namataang magkasama ang rumored couple.

Spotted silang magkasama sa South Korea noong May 26, 2024.

Nakita sila ng isang neztien sa may Myeong-dong area, isang shopping destination sa nasabing bansa.

Sa Facebook noong araw na iyon, isang netizen ang nag-post ng mga larawan nina Barbie at Richard.

Sabi lang nito, “Kayo na maglagay ng captions (laughing emoji)”

Sa comments section, nagkuwento ang netizen kung paano siya nagpakuha ng selfie kay Barbie.

Hindi raw siya nakapag-selfie kasama si Richard dahil, ayon umano kay Barbie, bawal silang makunang magkasama.

Sabi ng netizen (published as is, “Gusto ko din Sana magpapic ky Boy .

“Sabi ni girl hindi daw pede mkita silang mgksama..( napaisip tuloy ko Kung ako lng b nkakilala sa knila )”

Mabait naman daw si Barbie sa kanya at nakipagkuwentuhan pa. Lalo pa raw naging interesante ang kanilang pag-uusap nang sabihin niyang Bicolana siya tulad ng akres.

Ipinanganak at lumaki si Barbie sa Daraga, Albay.

Lahad ng netizen, “Pro mabait si girl nkipag kwentuhan p konte sakin Sabi ko bicolana ang mama ko .

“Ksma din pla si mama nya ( anjan po si mama tinuro nya.) Marunong daw ko magbicol savi ko konte lng kz laking manila n ko. .”

Pagtatapos niya sa komento niya, “(life nila yan kya we respect ung choice nila Lalo n s lovelife)

“As Public figures sila if they keep secret nila dpt hindi s public area…(if ayaw nila ky cristy at ogie) ”

RICHARD GUTIERREZ, BARBIE IMPERIAL FIRST SPOTTED IN ALABANG

Unang spotted na magkasama sina Barbie at Richard sa isang gastropub sa Westgate, Alabang, Muntinlupa City, noong January 6, 2024.

Ilang customers sa kanilang paligid ang kumuha ng video ng dalawang celebrity.

Kumalat ang nasabing video sa social media hanggang sa makarating sa PEP.ph (Philippine Entertainment Portal).

Hindi gaanong malinaw ang video ngunit mahihinuhang sina Richard at Barbie nga ang magkatabi sa isang mesa, kasama ang ilang kaibigan.

Napansin ng mga customer na nakakita kina Richard at Barbie sa gastropub na sobrang kapalagayan nila ang isa’t isa.

“Bantay-sarado ni Chard si Barbie,” sabi ng isang source.

Pinatunayan din ng source ang pagiging gentleman ni Richard kay Barbie dahil inalalayan umano nito ang aktres nang magpunta ito sa comfort room.