Kim Chiu asked of Paulo Avelino is jojowain or totropahin.

Kim Chiu grateful for new endorsement (left); comments about Mayon Volcano jumpshot with Paulo Avelino (right). 

Kinakiligan ng netizens ang jumpshot photo ni Kim Chiu at ng nauugnay sa kanya ngayong si Paulo Avelino.

Perfect kasi ang hugis ng Bulkang Mayon sa kanilang likuran at walang ulap na nakatakip dito.

Caption ni Kim sa kanyang post, “May napa jump shot ako sa umaga! [laughing emoji] nicewan @pauavelino”

KIM CHIU ASKED ABOU PAULO AVELINO AND XIAN LIM

Nang makausap ng PEP.ph (Philippine Entertainment Portal) at ilan pang media si Kim sa launching niya bilang bagong endorser ng BillEase ay tinanong siya tungkol sa ipinost niyang larawan nila ni Paulo.

Ginanap ang launching ni Kim ng leading buy now, pay later (BNPL) at consumer finance app sa Pilipinas, sa Luxent Hotel, Quezon City, Martes ng hapon, June 18, 2024.

Ayon kay Kim, kuha ang larawan nila ni Paulo noong umaga ng June 18 sa Albay.

Nag-show raw sila ni Paulo sa nasabing lalawigan para sa promo ng kanilang mga teleseryeng Linlang at What’s Wrong With Secretary Kim.

Lahad ni Kim, “Kanina. Ay, oo. Yung mga tao. Nag-show kami sa Sorsogon at Agusan ni Paulo.

“Masaya naman kami. Napatalon kami sa dami ng nanonood pala ng Linlang, ng Secretary Kim.

“Parang punung-punong yung buong plaza pag nag-perform kami.”

Sabi ng ilang netizens, pati ang Bulkang Mayon ay nakisang-ayon sa KimPau, tawag sa tambalan nina Kim at Paulo.

ADVERTISEMENT – CONTINUE READING BELOW ↓

Reaksiyon ni Kim dito, “Huy! Ganun ba yun? Hindi ko alam.

“Maganda yung Mayon, wala siyang clouds.”

Nakilala na ba niya nang lubusan si Paulo, at in what way?

Sagot ng Kapamilya star, “Okay naman, natatawa naman na siya sa akin.
Read more about

Kim Chiu
Paulo Avelino
KimPau

“Nagkukuwento naman na siya. So, parang sa tagal na rin kaming magkatrabaho.”

Si Paulo ba ang naging daan para dahan-dahan siyang maka-move on mula sa hiwalayan nila ng ex-boyfriend na si Xian Lim?

Nakangiting sagot ni Kim, “Uy! Ang bilis niya po talaga.”

Read: Kim Chiu nonchalant about Xian Lim admission of new relationship

Sa tingin ba niya, things are better with Paulo now matapos ang mga pinagdaanan niya?

Aniya, “Grabe naman yung things are better.

“Siguro po na nagkataon lang na, ano, na… na okay yung mga nangyayari lately and then yung mga blessings ay dumarating naman na hindi inaasahan.

“So, parang masaya naman.”

Nagha-hang out ba sila ni Paulo kung walang work?

CONTINUE READING BELOW ↓

Sagot ni Kim, “Hindi naman. Hindi naman lumalabas sa bahay yun.”

Tanong naman ng entertainment editor na si Janiz Navida, “Pero Kim, sa pagkakilala mo kay Paulo, jojowain or totropahin?

“Huy, ang bilis. Mag-download po tayo ng BillEase app,” nakangiting iwas ni Kim.

KIM CHIU’S NEW ENDORSEMENT

Linggo lamang ang pagitan at may bago ulit endorsement si Kim.

Ano ang pakiramdam niya na pinagkakatiwalaan siya ng brands?

Ayon kay Kim, “Ano lang, very happy and very grateful sa lahat ng mga nangyayari.

“And, ano, sobrang nagpasalamat talaga.”

Feeling ba niya, mas tanggap ng mga taong solo o single siya ngayon kaya ang dami niyang blessings?

Sagot niya, “Na solo ako? Hindi ko alam na yung ano lang. Siguro, ano, sinusuwerte lang talaga.

“And, ano lang, very ano lang lang, sobrang saya ko lang na pinagkakatiwalaan pa rin ako ng mga brands.

“And I’m very happy and sana, ano, parang tulungan naman kasi yan when it comes to endorsement.”

PHOTO/S: ARNIEL SERATO

Kim Chiu with BillEase CEO Garret Go (left) and chief marketing officer Jose Fernandez (right).