“I feel so lost!”

Ganito ilarawan ng Kapamilya actress na si Kathryn Bernardo ang nararamdaman ngayong ilang araw na lang ay sasapit na ang kanyang kaarawan.

Twenty-nine (29) na si Kathryn sa darating na March 26, 2025.

Aminado ang aktres na may takot siyang nadarama sa pagdagdag na naman ng isang taon sa kanyang edad.

Bagamat natatakot at naguguluhan, ang pagharap daw sa sitwasyong ito ang isa sa matatawag na pinakamatapang na ginawa niya para sa sarili.

KATHRYN BERNARDO ON UNDERGOING QUARTER-LIFE CRISIS

Ang pagbabahagi ni Kathryn sa kasalukuyang dilemma na kanyang kinahaharap ay nangyari sa grand mediacon ng Pilipinas Got Talent (PGT) Season 7, nitong Martes, March 19, 2025.

Isa si Kathryn sa uupong judge sa talent search ng ABS-CBN. Makakasama niya rito sina Freddie M. Garcia, Eugene Domingo, at Donny Pangilinan.

Sa mediacon, natanong si Kathryn: “You’ve spoken about stepping out of your comfort zone recently, what’s the bravest thing you’ve done for yourself?”

Dito inamin ng aktres ang pagkakaroon niya ng “birthday blues” at “quarter-life crisis.”

Ang birthday blues ay tumutukoy sa kalungkutang nararamdaman kapag papalapit na ang kaarawan ng isang tao.

Habang ang quarter-life crisis naman ay ang pinagdaraanan ng ilang indibidwal na nasa edad 20 hanggang 30. Kalimitan sa puntong ito ay may pakiramdam ang isang tao na tila may kulang sa kanyang buhay kahit may maayos at successful naman siyang career at trabaho.

Balik sa panayam ni Kathryn, ayon sa kanya, hindi ito ang unang beses na pakiramdam niyang siya ay “lost.”

Aniya: “The bravest thing I’ve done for myself… siguro, I don’t know, I’m at the point…

“I’m turning twenty-nine, right, in a few days, so I’m at the point in my life again wherein I feel so lost.

“I felt this. I remember when I parang gave a message for our thanksgiving party for The House of Us [2018], this was the same feeling.

“I didn’t expect na ma-feel ko ulit ito.”

Naniniwala raw si Kathryn na parte ng kanyang paglago bilang tao ang nararamdaman niya ngayong pagkalito sa mga desisyong nais niyang gawin.

Saad niya: “Siguro it’s part of, you know, adulting and growing, and nararamdaman ko siya ngayon, just like everybody else.

“I don’t know kung nararamdaman ito talaga kapag medyo ganitong age ka na, but it’s hitting me hard.

“To be honest, I’m so scared. I’m so lost.

“But I think it’s so brave na every day I show up…I show up and I choose to grow and accept all the uncertainties.

“Because, I don’t know, bigla ko lang siyang na-feel na, of course, after Hello, Love, Again and now I’m doing PGT.

“Pero may feeling lang ako na parang iba, I think siguro birthday blues na ito. May quarter-life crisis na parang, ‘What’s next for me?’”

Dagdag pa ni Kathryn: “I’m feeling all these emotions. So, feeling ko, it’s just brave na tinanggap ko yun.

“I’m allowing myself to be vulnerable. I have my days. And hindi ko na yon tinatago sa mga tao.”

KATHRYN BERNARDO ON her transition stage

Nasa punto na rin daw ng buhay si Kathryn na nagiging maingat na siya sa kanyang mga desisyon.

Kabilang sa mga desisyong pinag-isipan daw niyang mabuti ay ang pagkuha ng sariling bahay, na maglalayo sa kanya sa pamilya niya.

Ani Kathryn: “So now, I think part of me growing is me getting my own place as well. I think it’s, like, my transition stage.

“I like to call this my transition stage na feeling ko kasi, in the next coming years, it’s very, very important kasi yun yung magdi-dictate kung saan ako sa future.

“It’s not na parang, ‘Okay, I’m in my early twenties. Ito pa, ang dami ko pang time para matuto.’

“Pero ngayon, parang iba pa kapag magtu-twenty-nine. So, I’m feeling that.

“So, feeling ko, getting my own place, it’s a big adjustment for me, my family, especially my mom.

“But it’s my way of getting to know myself more and growing.”

Hindi itinanggi ni Kathryn na may takot at kaba siyang nararamdaman.

Nagpapalakas lang daw ng kanyang loob ang pakiramdaman na sa desisyon niyang ito ay lalago siya at mas lalong titibay.

Aniya: “Yes, I’m scared. I don’t know what will happen. I don’t know if I can do it. But I’m just here for it.

“I’m here for… I’m just very open and I’m here for growth. So wish me luck in the coming months.

“I’m just accepting and I just want to feel everything right now.”