Aminado ang aktor na si Alden Richards na hindi niya muna gustong sumagot sa mga tanong na tungkol sa kanila ni Kathryn Bernardo.

Hanggang ngayon kasi ay wala pang sey si Alden sa mga tanong kung nanligaw ba talaga siya kay Kathryn?Bakit tumigil siya sa panliligaw, o kung ano ang mensahe niya sa KathDen fans.

Sa programang ‘Showbiz Pulis’ ng DWAR Abante Radyo tuwing Sabado at Linggo 2PM, ibinahagi ng host na si Roldan Castro ang pahayag ng aktor.

“Sorry, Tito. Ayaw ko pa talagang magbigay ng komento. Pasensya na po,” sey umano ni Alden.

Chika ni ‘Showbiz Pulis’ host Roldan, tila ilag talaga ang aktor at umiiwas tungkol sa mga isyu. Sey pa nga ni host Roldan, “Sa takdang panahon na lang magsabi kung may dapat ikuwento.”

Matatandaan namang nagsama bilang love team sina Alden at Kathryn sa pelikulang ‘Hello, Love, Goodbye’ at ‘Hello, Love, Again’. (Angelica Mallilin)