Ang duo nina AC Bonifacio at Ashley Ortega o ACLey ang kauna-unahang evictees ng Pinoy Big Brother (PBB) Celebrity Collab Edition.

Nangyari ang eviction ngayong Sabado ng gabi, March 29, 2025.

Read: Darren Espanto defends AC Bonifacio amid online bashing

Nakaligtas naman mula sa eviction ang kapwa nila nominees na sina Ralph de Leon at Michael Sager o RaMi at sina Will Ashley at River Joseph o WilVer.

Unang inanunsiyong ligtas mula sa eviction ang duo nina Michael at Ralph.

Kasunod nito ay pinapunta sa eviction room ang duo nina Wil-River at AC-Ashley para alamin kung sino sa kanila ang mananatili at kung sino ang lalabas sa bahay, base sa resulta ng isinagawang botohan ng publiko.

Inanunsiyo ng host na si Bianca Gonzalez na ligtas sina Will at River, na nangangahulugang evicted sina AC at Ashley.

Naging emosyunal ang dalawang evictees, lalo na si AC, nang marinig ang resulta.

Ipinakita rin ang tally of votes na nakuha ng bawat duo mula sa kanilang mga tagasuporta.

Ang duo nina Michael at Ralph ay nakakuha ng 45.89% ng mga boto, na sinundan nina Wil at River na nakakuha ng 36.87% .

Malayo naman ang botong nakuha nina AC at Ashley na umabot lamang ng 17.25%.

AC AND ASHLEY OUT, MICHELLE DEE IN

Nang salubungin ng PBB hosts sina AC at Ashley sa labas ng Bahay ni Kuya, nakita ang emosyunal na yakapan ni Ashley at ng boyfriend niya at PBB online host na si Mavy Legaspi.

Kasunod ng paglabas nina AC at Ashley sa Bahay ni Kuya ay ang pagpasok naman ng bagong PBB house guest na si Michelle Dee.

Bukas, Marso 30, ay may dalawang bagong housemates na papasok sa Bahay ni Kuya — isang Kapuso at isang Kapamilya.