“Never namin naisip na saktong Valentine’s kami mapapalabas…”

Marvin Agustin, Jolina Magdangal
“Yung comeback, gustung-gusto namin gawing dalawa… Nandun yung willingness namin talaga gumawa ng pelikula. Tamang material lang talaga at tamang panahon,” says Marvin Agustin. And this movie, Marvin continues, is the right material he and his love team partner Jolina Magdangal have been waiting for. 

PHOTO/S: @marvinagustin Instagram

Makalipas ang maraming taon ay muling magsasama sa isang pelikula sina Marvin Agustin at Jolina Magdangal.

Ano ang masasabi ni Marvin tungkol sa balik-tambalan nila para sa pelikulang Ex Ex Lovers?

Lahad niya sa panayam ng PEP.ph (Philippine Entertainment Portal), “Nung umpisa nakaka-challenge kasi parang, parang since pinapanood nila yung pelikula namin dati, kinikilig sila, natawa sila, nag-enjoy sila, nakaka-challenge kung paano namin gagawin sa edad namin ngayon.” At natawa si Marvin.

“Na parang, tamang timpla, na nakakakilig pa rin pero hindi nakakaumay kasi, ‘Ang tatanda na nito, ganun pa din,’” at muli siyang natawa.

“But seeing their reactions pag nagsu-shoot kami… kasi kami ni Jolina pareho kami na ayaw naming pinanonood yung sarili namin. So parang that’s why we give the full trust to the people na we work with.

“Na pag natawa sila parang, magtitinginan na kami, parang, ‘Maganda yung ginawa natin, okay, okay.’

“So naging ganun yung proseso namin so hanggang matapos na yung pelikula hanggang sa pinanood na namin yung edit nila.

“So dun namin nasabi na parang, hanggang sa trailer nga kanina, na parang, ‘O wow, I think we made a film na magugustuhan ng mga tao,’” pahayag pa ni Marvin sa mediacon ng Ex Ex Lovers nitong January 22, 2025, sa Quantum Skyview ng Gateway 2 Mall sa Cubao, Quezon City.

Ipapalabas sa mga sinehan ang Ex Ex Lovers sa February 12, sa direksyon ni JP Habac, at panulat ni Kristine Gabriel.

Ang Ex Ex Lovers ay kuwento nina Joy (Jolina) at Ced (Marvin) at nina SC (Loisa Andalio) at Joey (JK Labajo).

Ang producer ng pelikula ay si Antoinette Jadaone katuwang ang Project 8 Projects, Cornerstone Entertainment, at distributed locally ng Warner Bros. Pictures.

marvin agustin on comeback film with jolina magdangal

Nakakaaliw naman ang sagot ni Marvin sa tanong kung ano ang nami-miss niya sa dekada nubenta na panahong sumikat ang MarJo tandem nila ni Jolina.

“Bukod sa bangs ni Jolina,” at tumawa si Marvin, “na wala na siyang bangs ngayon, I think yung relationship na ng mga artista at ng mga press.

“Meron tayo nun lagi, Christmas party, birthdays, may visits sa mga shows namin, na siyempre ngayon with the age of social media lahat iyon nawala!

“At kaya ngayon na kapag nagkakaroon ng mediacon, parang mas naa-appreciate mo na meron pa rin ganitong venues na magkakasama pa rin ang mga media at yung mga artista.”

Ano ang unang reaskyon ni Marvin noong nalaman niya na muli silang magtatambal at magbibida ni Jolina sa isang pelikula?

Aniya, “Yung comeback, gustung-gusto namin gawing dalawa. Yung, ‘Kailan kaya? Ano kayang pelikula?’

“’Tapos may mag-o-offer, ‘tapos hindi matutuloy kasi mga schedule problems.

“Ito kila Tonette na pelikula na 2018 pa natin pinaplano, nag-evolve na siya nang nag-evolve na nag-evolve.

“Nandun yung willingness namin talaga gumawa ng pelikula. Tamang material lang talaga at tamang panahon.

“Kaya itong nangyari ngayon, parang nag-align lang talaga yung universe, na pati playdate, na hindi namin inaasahan.

“Never namin naisip na saktong Valentine’s kami mapapalabas at binigay ito ng Diyos sa amin.

“I think iyon yung magandang kasabihan na you just have to prepare yourself for the opportunity when it comes.

“So iyon lang yung nangyari sa aming lahat. Trabaho lang kami nang trabaho.

“Nag-landing lang yung mga tamang elemento kaya nandito kami sa harapan niyo ngayon,” ang nakangiting pahayag pa ni Marvin.