Jellie Aw to Karla Estrada: “Wag mo damay work ko nanahimik ako mommy”

Jellie Aw calls out Karla Estrada
Jellie Aw (left) to actress-host Karla Estrada (right), ex-girlfriend of Jellie’s fiance Jam Ignacio: “Karla estrada nanahimik ako! wag mo damay work ko nanahimik ako mommy”

PHOTO/S: Courtesy: Instagram
Diretsahang pinangalanan ng club disc jockey na si Jellie Aw si Karla Estrada sa kanyang Instagram Story noong Sabado, January 18, 2025.

Si Jellie ang fiancée ng ex-boyfriend ni Karla na si Jam Ignacio.

JELLIE AW: “wag mo damay work ko nanahimik ako mommy”

Nitong nakaraang Sabado, maraming netizens ang nagulat sa Instagram Story ni Jellie.

Dito ay direkta niyang binanggit ang pangalan ng ex-girlfriend ni Jam na si Karla Estrada, ina ni Daniel Padilla.

Hindi malinaw kung ano ang pinanggagalingan ni Jellie.

Ngunit pinagsasabihan nito si Karla na huwag siyang guluhin.

Tila may pang-aasar ding tinawag ni Jellie si Karla na “mommy.”

Sa isang club nagtatrabaho si Jellie bilang DJ.

Eksaktong post niya: “Karla estrada nanahimik ako! wag mo damay work ko nanahimik ako mommy”

Jellie Aw Instagram Story

Wala pang reaksiyon si Karla sa post ni Jellie.

Engaged na si Jam kay Jellie noon pang November 11, 2024.

Sa Instagram noong buwan na iyon, nagbahagi si Jam ng mga larawan sa birthday celebration ng girlfriend na si Jellie.

Sa kalagitnaan ng kanilang pagdiriwang, nag-propose si Jam kay Jellie.

Sabi ni Jam, “Hon Happy Birthday!!! [beer mug emojis]

“Happy ako kasama kita sa special day mo, kasama mo na ako every year [smiling face emoji]

“tanggal na yung sumpa [laughing emojis] naging triple celebration tayo. Basta Mahal na Mahal kita !!! [smiling emoji] I Love You !!!”

Kalakip ng post ay ang larawan nilang naghahalikan, at naka-highlight ang kamay ni Jellie na suot ang kanyang engagement ring.

Jam Ignacio and Jellie Aw engagement