Kinondena ng mga kaibigan ng club disc jockey (DJ) na si Jellie Aw ang marahas na sinapit nito mula sa kamay ng fiancé nitong si Jam Ignacio.

Si Jam ang ex-boyfriend ng aktres at TV host na si Karla Estrada.

Tumagal ng halos limang taon ang relasyon nina Jam at Karla, at napabalita ang kanilang breakup noong July 2024.

Nang sumunod na buwan, August 2024, nagulat ang marami nang mag-post si Jam sa Instagram ng larawan nila ng bago niyang girlfriend na si Jellie.

At noong November 2024, sa ika-apat na buwan pa lamang ng kanilang relasyon, nag-propose na ng kasal si Jam kay Jellie.

JELLIE AW TO JAM IGNACIO: “papaKULong kita!”

Makalipas naman ang tatlong buwan, nitong February 12, 2025, nagulantang ang netizens nang kumalat sa social media ang mga larawan ng duguang mukha ni Jellie.

Base sa social media posts ni Jellie at ng kanyang kapatid na si Jo Aw, “binugbog” si Jellie ng kanyang mismong fiancé na si Jam.

Ayon sa salaysay ni Jo sa kanyang Facebook post nitong Miyerkules ng umaga, “bigla na lang pinagsasapak” at “binugbog” ni Jam ang kanyang ate na si Jellie.

Lumalabas na nasa loob ng sasakyan sina Jam at Jellie nang mangyari ang insidente.

Mabuti na lamang daw at nakasigaw si Jellie sa isang tollgate na kanilang nadaanan at nailigtas siya ng mga pulis.

Si Jam naman daw ay tinakbuhan ang mga pulis na huhuli sana sa kanya.

Lahad ni Jo sa kanyang post (published as is): “BIGLA NA LANG PINAG SASAPAK, BINUGBOG HABANG PAUWI ATE KO, WALANG KALABAN LABAN SA LOOB NG NAKALOCK NA SASAKYAN

“Una sa lahat kung ano man ginawa ng ate ko wala kang ni anong karapatan dampian ng kamay yung ate ko. ang kapal naman ng mukha mo “JAM IGNACIO”

“Ni hindi makahingi ng tulong ate ko dahil kunuha mo yung cellphone.

“Buti na lang hindi nabasa yung RFID sa toll at nakasigaw yung ate ko pag baba ng bintana at nakahingi ng tulong sa TELLER sa toll gate, ngayon tinakbuhan mo yung mga pulis!

“Wala kang awa!! Demonyo, mapapatay mo na ate ko

“Update po kay ate magpapamedical na kami ngayon and magrereport na sa pulis.”

Sa kanya namang sariling Facebook account, nag-post si Jellie ng tatlong larawan ng nagpapakita rin ng kanyang bugbog-saradong mukha.

Sa caption, muli niyang inulit ang bantang ipakukulong si Jam dahil sa ginawa nito sa kanya na halos ikamatay raw niya.

Nanggagalaiting sabi ni Jellie (published as is): “HAPPY VALENTINES?

“taena mo Jam Ignacio mapapatay moko wala akong ginawang masamA para ganituhin moko

“halos mamatay ako sa ginawa mo! papa[ku]long kita!”

JELLIE AW’S FRIENDS CONDEMN JAM IGNACIO

Sa Facebook din ngayong araw, nagpupuyos sa galit ang mga kaibigan ni Jellie laban kay Jam.

Ayon kay Vince Ryder Uy, ang “ganda ng regalo” ni Jam sa kanilang kaibigan na si Jellie ngayong Valentine’s Day.

Ikinagulat daw niya ang engagement ni Jellie kay Jam, na ex ng aktres na si Karla Estrada. Ngunit bilang isang kaibigan ay sinuportahan niya ang desisyon nito.

Saad ni Vince (published as is): “Sakto sobra sa Valentines ah ! Happy VDay!

“Ganda ng regalo mo sa napakabait, hardworking at maalaga kong kaibigan Jellie Aw na wala ng hiniling kung hindi kabutihan at maging maayos lng buhay ng family nya at maging masaya at mabugay ng tahimik.

“Known jellie for more than 10 yrs at nagulat lang din ako na na engaged na pla sya dto sa guy na ex daw ni Carla Estrada, na naparaming issues din dati sa actress.

“Pero sympre kaibigan mo so supporta na lng kay jel at congrats sa decision nya sa engagement.”

Mabuti na lamang daw gumawa ng paraan ang Panginoon para mapagtanto niya ang lahat at makagawa ng tamang desisyon.

Pagpapatuloy ng kaibigan ni Jellie: “but God is really good and pave a way to make u realize na baka, need to step back a little and rethink that decision.

“We all have some unpleasant experiences and unexpected problems w our partners and tend to do things out of proportions at times. (dont want to judge) pro Jam K*P*L ka ba boss?!!

“mejo out of line na tong ginawa mo sa kaibigan (jellie) ko !!

“May sa demonyo ka na.”

Mensahe pa ni Vince kay Jellie: “Kapatid na jellie pls pagaling ka at gawin and tingin mong dapat para makamit ang justice na dapat para sayo at sa family mo.

“Sobrang mapagmahal mo na tao kaya alam ko di mo tlga deserve tong ngyari sayo o sa mga mangyayari pa sayo pag ksma mo sya.

“Jo Aw thank u for being jellies strength n rock now. Pls let me know what I could do to help. U have my support. – VR”

Sabi naman ng isa pang kaibigan ni Jellie na si Christian Fernandez Tugado, mabuti na lang at may nakaimbento ng salitang “fiancé” dahil baka raw kung ano pa ang nangyari kapag naikasal na sina Jellie at Jam.

Buong post niya (published as is): “Kung sino man ang nagpauso ng “Fiancé” salamat po. Kasi What More kung kasal na?

“Kasalukuyan pong Ginagamot ang mga pinsalang natamo ni Jellie Aw sa iba’t ibang parte ng kanyang katawan.

“Maraming salamat po sa inyong mga suporta at Panalangin.”

MORE FRIENDS DEFEND JELLIE AW

Kinontra naman ni Chit Charap ang mga nagasasabing “jackpot” si Jellie kay Jam.

Aniya (published as is): “Sa mga nakiki ride on sa isyu nila Jellie Aw at Jam Ignacio..

“Hindi po Jackpot si jellie kay Jam..high school pa lang masipag na si jellie, magaling sumayaw kaya naging honeybee sa singing bee ng Abs Cbn nung time ni Cesar Montano, alam ko po dahil parang anak ko na itong batang ito, sobrang bait sa magulang, halos wala ng pahinga sa pagtratrabaho..

“Eldest po sa siblings, namatay ang papa nya, siya na bumuhay sa pamilya nya..”

Nalulungkot daw si Chit sa nangyari kay Jellie na binugbog ng kanya sanang “future husband.”

Sabi nito (published as is): “Nakalungkot na kapwa natin babae bubugbugin ng future husband, na sana ay wag na matuloy..

“Magising ka na sa nangyari, baka sa sunod ay mas malala pa diyan ang gawin sa iyo..

“Anak, pinost ko ito kasi kung ano ano nababasa ko na akala yata eh big fish itong taong ito..

“Bahay po nya yan, sasakyan nya, mga negosyo na sya ang nagpundar!!Manahimik kayo ha”

Sa Instagram Story, ni-repost ni Jellie ang mensahe ng suporta ng kaibigang si Joma Mirano Ballesteros.

Mababasa rito (published as is): “Kapal ng muka mo ni Hindi namin pahawakan or padampian yan sa lahat ng gigs namin dati tas gaganunin molang BAKLA KABA!

“Mayabang ka may baril ka alisin moyan harapin mo kaming ANGELS SHUTANGINA MO PUNONG PUNO NAKO TAGAL KO NANAHIMIK NGAYUN NAISIWALAT NA LAHAT NI MIMA @realjellieaw NA MAS MASAHOL KAPA SA HAYP ka!”

Sinisikap pa rin ng PEP.ph (Philippine Entertainment Portal) na makuha ang panig nina Jam at Jellie ukol sa isyung ito.

Kaagad naming ilalathala sakaling magpadala na sila ng kanilang statement.