Umamin sina Donny Pangilinan at Belle Mariano na may nakita silang red flags sa isa’t isa.

Halata mang nahirapang sumagot nang matanong, nagpakatotoo ang tanyag na Kapamilya onscreen partners.

Sa halos araw-araw na sila ay magkasama, nakilala na raw nila ang isa’t isa at nakita ang ugali ng bawat isa—maganda man o hindi.

Sa tanong kung may nakita silang red flags sa isa’t isa, sagot ni Donny, “Siyempre, may nakita kami, di ba…

“But it’s not the type of red flag na ayaw mo nang makasama or ganun.

→ Swipe to see more articles

Related Posts

Bakit Kumanta ang Pamilya ni Barbie Hsu sa Kanyang Farewell Ceremony? Nabunyag ang Hindi Inaasahang Katotohanan!

OMG! Nagbigay ng Pahiwatig sina Kathryn at Alden sa Muling Pagsasama – May Bagong Proyekto na Paparating?

OMG! Nasaktan si Karla Estrada sa mga masasakit na salita vs Daniel matapos maghiwalay ang KathNiel

Binasag ni Tim Connor ang Katahimikan sa Mga Paputok na Paratang na Kinasasangkutan ni Maggie Wilson

Ibinahagi ni Small Laude ang Taos-pusong Alaala ng Kanyang mga Huling Sandali kasama ang Mahal na Ama, Andres Eduardo!

Yassi Pressman and Coco Martin Caught in Another Intimate Moment—Niloloko ba si Julia Montes?!

“Siguro it’s the type of red flag na…. people really would have it, like, at times yung usual stuff like, for me…”

Animo’y sumaklolo si Belle kay Donny, na nag-aatubili sa pagsagot.

Ayon sa young acress, “Alam ko yung sa yo. Sasabihin ko.

“Umiinit ang ulo niya kapag di siya kumakain.”

“Ikaw rin, ah!” natatawang sagot ng aktor sa kanyang leading lady.

Humarap sina Donny at Belle sa media at vloggers sa mediacon ng How To Spot A Red Flag na ginanap nitong January 21, 2025.

Ang TV series ay magsisimulang ipalabas sa ABS-CBN primetime sa darating na January 27, 2025.

Una na itong naipalabas sa streaming platform na Viu.

RED FLAGS THAT ARE NOT ALARMING

May idinagdag si Donny tungkol sa tingin niya ay red flag sa sarili.

Aniya, “Or pag walang tulog nagiging [bugnutin]… parang ganun.

“So, hindi na ako masyadong nakikinig sa mga nangyari kasi I have to be in one spot lang. And then easily triggered, yung ganon…”

Muling iginiit ni Donny na normal ang pagkakaroon ng red flags ninuman.

Sa kanila raw nila ni Belle, ang importante ay napag-uusapan nila ito nang maayos at hindi ikasisira ng kanilang samahan.

Paliwanag ni Donny, “Everyone has it, and it’s all about communication.

“As long as it’s not to a point na you guys are already hurting each other, you can’t be with each other anymore, you can’t work with each other, you can’t see each other…

“That’s when it’s unhealthy.

“But the type of red flags we have, we talk about it and we go through them.”

Pagsegunda ni Belle. “We communicate openly.

”Lahat naman tayo may red flags.

“Minsan nga hindi tayo aware na may mga red flags tayo, di ba? Tayo mismo.”

Sinang-ayunan din ni Belle ang sinabi ni Donny na depende kung gaano kalaki ang impact ng red flag.

Halata sa sagot ng dalawa na ang sinasabi nilang red flag ng isa’t isa ay mga di magandang katangiang kaya nilang palampasin at hindi na kailangang umabot pa sa pagkasira ng kanilang samahan at sa trabaho.

Dagdag ni Donny, “Lahat naman tayo we have some form of red flag inside of us. Lahat naman tayo, di ba? Wala namang perpektong tao.”

Paliwanag ng aktor, marahil ang red flag ng isang tao ay may pinagmumulan. Ito raw ang napagtanto niya habang ginagawa ang How To Spot A Red Flag.

Sabi ni Donny, “I think I saw it more here in the show na before seeing a person as a flag, you have to understand that they went through a lot of stuff, which is why they got to that point.”

Sundot ni Belle, “There are no bad people. People are just doing decisions because of their bad situations or bad experiences.”

DONBELLE ASKED ABOUT EACH OTHER’S GREEN FLAGs

Nausisa rin ang kilalang loveteam kung ano ang nakikita nilang green flags sa isa’t isa.

Si Belle ang unang sumagot, at sinabing ang kanyang leading man ay “such a gentleman, family-oriented.”

Dagdag niya, “My favorite thing about you, you’re so game with anything.”

Kasama si Donny, maraming bagay raw na natutunan si Belle na mga bagong bagay, tulad ng billiards at surfing, na kailangan sa paggawa nila ng projects.

Sabi naman ni Donny pagdating sa green flag ni Belle, “You always find a way to kind of reinvent yourself.

“Hindi kasi madali yung after one project, we do another project, and another project. You have to think about how do you make this character different.

“Minsan baka dahil nagiging comfortable kami sa isa’t isa, baka same lang yung atake namin, di ba? Dapat ibang level of DonBelle naman yung makikita nila.

“So Belle is always trying to do things that will portray something else in her character and her craft.”