Nagulat, natulala, at pinagpawisan si Buboy Villar nang lumabas na may dalang cake ang kanyang girlfriend na si Khrizza Mae “Isay” Sampiano sa taping ng Your Honor, ang vodcast show ng Kapuso actor kasama si Tuesday Vargas.

Kahapon, Marso 21, 2025, nagdiwang ng 27th birthday si Buboy.

Nagsilbi ring relationship reveal niya ang espesyal na araw.

At may isang pang rebelasyon: may three-month-old son sina Buboy at Isay.

Kahapon din bininyagan ang baby na pinangalanan nilang Kyrie.

Kabilang ang mag-asawang Mikael Daez at Megan Young sa mga ninong at ninang.

Mapapanood ang lahat ng ito ngayong March 22, Sabado ng gabi, sa YouLol Originals YouTube Channel ng GMA-7.

Samantala, nag-post din si Isay sa kanyang Instagram account ng couple at family photos nila ni Buboy.

Saad niya sa caption, “Happy birthday to the guy who still makes me laugh every day! Here’s to another year of blessings ???????? ????: @angguloprints”

Sa Instagram bio ni Isay, nakasaad na isa siyang “public figure.”

Ayon pa sa isa niyang post, nagtapos siya ng Bachelor of Library and Information Science sa City College of Angeles, Pampanga.

buboy villar on being friends with ex-partner: “dapat love lang.”

Si Kyrie ang pangatlong anak ni Buboy, na merong dalawang supling sa kanyang dating American live-in partner na si Angillyn Serrano Gorens.

Sina Vlanz Karollyn, 7, at George Michael, 5, ang mga bunga ng pagmamahalan nina Buboy at Angillyn.

Nag-umpisa ang relasyon ng dalawa noong 2015 nung nagkakilala sila sa set ng isang drama series ng GMA-7. Naghiwalay sila noong Oktubre 2020.

Naninirahan na si Angillyn sa Amerika, pero umuwi siya sa Pilipinas noong nakaraang taon para dalawin ang mga anak nila ni Buboy.

Humantong man sa hiwalayan ang kanilang relasyon, nananatiling magkaibigan sina Angillyn at Buboy.

Sa isang panayam, ang sabi ni Buboy, “Bilang nanay siya ng mga anak ko, tatay ako ng mga anak namin, so napagkasunduan namin na no hate to each other.

“Dapat love lang.”