Jam Villanueva, Anthony Jennings’ ex-girlfriend, is now an endorser.

Jam Villanueva still in the process of forgiving Anthony, Maris
Jam Villanueva (left) talks about forgiveness after cheating controversy with ex-boyfriend Anthony Jennings and Maris Racal (right photo): “Very nakakatanggal po ng tinik sa puso kapag nakarinig ka ng sorry. At grabe rin po ang matatanggal na tinik sa puso mo kapag nagpatawad ka kasi parang na-release mo na lahat ng mabibigat sa puso mo.”

PHOTO/S: Instagram

Unti-unti nang bumabangon at nagiging maayos si Jamela “Jam” Villanueva matapos ang masalimuot na pinagdaanan niya noong 2024.

Ito’y matapos niyang isiwalat sa publiko ang pagtataksil sa kanya ng long-time boyfriend niyang si Anthony Jennings.

Noong December 3, nag-post si Jam sa social media para i-expose ang lihim na relasyon ni Anthony sa ka-loveteam nitong si Maris Racal.

Si Maris ang itinuturong dahilan kung bakit tinuldukan ni Jam ang halos pitong taong relasyon nila ni Anthony.

maris racal anthony jennings incognito fancon
Maris Racal (right) and Anthony Jennings (left). 

→ Swipe to see more articles

Related Posts

OMG! Inihayag ng Anonymous Source ang Di-umano’y Dahilan ng Pagtapon ni Scottie kay Pau para pakasalan si Jinky—Lihim bang Buntis si Jinky?!

Gloria Romero: Pag-alala sa Reyna ng Sinehan ng Pilipinas!

Ivana Alawi SH0CKS Fans: Cuts Tie with Famous Jewelry Brand!

H0T: Heartbreak or Humiliation? Daniel Padilla Stands as Ninong at Kathryn & Alden’s Wedding!

Commuter Struggles: Coco Martin Shares SH0CKING Experience You won’t Believe!

Mga Lihim na Nabunyag: Sa loob ng Dramatic Love Story nina Pau Fajardo at PJ Reblora!

Photo/s: ABS-CBN News on X

Bilang patunay, naglabas ng screenshots si Jam ng palitan ng private messages nina Anthony at Maris.

Kabilang na rito ang ilang maseselang usapan ng dalawa na pruweba umano ng patagong panloloko ng aktor kay Jam habang sila pa.

Labis na pinag-usapan online ang nakakabulabog na post na ito ni Jam, kunsaan maraming netizens ang nagpuyos ng galit kina Anthony at Maris.

Pagkalipas ng tatlong araw, noong December 6, naglabas ng video ang ABS-CBN ng magkasunod na public apology nina Maris at Anthony.

Dito ay inako ng dalawa ang kanilang pagkakamali at humingi ng tawad sa mga taong nadamay at nasaktan, lalo na si Jam.

JAM TALKS ABOUT FORGIVENESS

Halos isang buwan matapos ang kontrobersiya, nasilayan ng publiko si Jam nang ilunsad siya bilang endorser ng isang dental clinic nitong Miyerkules, January 29, 2025.

Kasabay nito ang unang beses na pagpapainterbyu niya sa entertainment press.

Dito ay tinanong si Jam kung napatawad na ba niya sina Anthony at Maris.

Saad niya, ayon sa ulat ng ABS-CBN News: “Wala na po akong koneksiyon sa mga tao na nasa loob ng issue.

“Ang plan ko po [ngayon] is to just focus sa sarili ko and i-build yung career.

“Moving forward naman po. Process pa rin po.

“Yung forgiveness po, hindi po sobrang daling process, but I’m getting there.

“Diyos nga po nagpapatawad, e.”

Malaki raw ang pagpapahalaga ni Jamela sa usaping pagpapatawad, lalo na kung ang mga nakagawa ng kasalanan sa kanya ay humingi ng kapatawaran.

Aniya, “Very nakakatanggal po ng tinik sa puso kapag nakarinig ka ng sorry.

“At grabe rin po ang matatanggal na tinik sa puso mo kapag nagpatawad ka kasi parang na-release mo na lahat ng mabibigat sa puso mo.”

JAMELA ON loving and prioritizing herself

Isang dagok kung ituring ni Jam ang cheating controversy na kinasasangkutan nila nina Anthony at Maris.

Get to know Jamela Villanueva, the content creator who ended her seven-year relationship with Kapamilya actor Anthony Jennings.
Jamela Villanueva (right) and Anthony Jennings (left). 

Photo/s: Screengrab from Instagram | @jamelavillanueva

Gayunpaman, maraming bagay raw siyang napagtanto at natutunan na naging dahilan para manatili siyang matapang at matatag sa buhay.

Pahayag ni Jam: “My self-worth is non-negotiable. Never lose yourself in the process kung anong nangyayari sa buhay mo.

“Kailangang kilala mo ang sarili mo. Alam mo yung values and principles ng sarili mo.

“And as much as possible, pinipili ko yung mga taong nakapaligid sa akin na talagang support system, na ipupunta ka talaga sa tama at sasabihin kung mali ang ginagawa mo.”

Bukod dito, mas pinapahalagan daw ngayon ni Jam ang sarili at ang mga taong nakapaligid sa kanya, lalung-lalo na ang kapatid at mga kaibigan niya.

Saad niya: “People may come and go, but at the end of the day, sarili mo lang din talaga ang nandiyan sa tabi mo.

“Andiyan din po ang kapatid ko. Dalawa lang po kami ng kapatid ko. We just enjoy our life sa probinsiya sa Laguna.

“Sinu-surround ko rin po yung sarili ko ng mga tamang tao, and they give me enough happiness and peace na kailangan ko.”

JAM’S MESSAGE TO ANTHONY AND MARIS

Sa panayam ng entertainment press kay Jam, tinanong din ito kung may mensahe ba siyang nais ipaabot kina Anthony at Maris.

Maikli ngunit nakangiti niyang pahayag, “I wish them well. Ayun naman po talaga.”

Sa huli, may mensahe ring ipinaabot si Jam sa lahat ng babaeng nakaranas at nakararanas ng kanyang pinagdaanan.

“Moving on is not just about forgetting the past. It is also about choosing yourself in the present at kung paano mo itatayo ulit ang sarili mo despite ng mga nangyayari,” pahayag niya.